बुटवल, साउन ३१ ।
निजी तथा आवासीय विद्यालय अर्गनाइजेसन प्याब्सन रुपन्देहीले विद्यालय शिक्षा विधेयक उपसमिति संयाेजक छविलाल विश्वकर्मालाई ध्यानाकर्षण पत्र बुझाएको छ ।

शनिबार रुपन्देहीको मणिग्राममा आयाेजित एक कार्यक्रममा प्याब्सन रुपन्देहीका अध्यक्ष दीपक खनालले प्रस्तावित शिक्षा बिधेयकको सन्दर्भमा संस्थागत विद्यालयका सरोकार र मागसहितको ध्यानाकर्षण पत्र बुझाएका हुन् ।

ध्यानाकर्षण पत्र ग्रहण गर्दै उपसमिति संयाेजक विश्वकर्माले निजी विद्यालयहरुले नेपालकाे शिक्षा क्षेत्रमा गरेकाे याेगदानकाे प्रशंसा गर्दै शिक्षा विधेयक निजी विद्यालयकाे प्रतिकुल हुने गरी नआउने वचनबद्धता प्रकट गरे  ।

निजी विद्यालयका मर्का र सबैको सरोकारलाई एकीकृत गर्दै सबैको अपनत्व र सम्मान हुने हिसाबले विधेयकलाई अगाडि बढाउन फराकिलो छलफल एवम् विमर्श गर्दै टुंगोमा पुर्याउन आफूहरु लागिपरेकाे उनकाे भनाइ थियोे ।
साे अवसरमा प्याब्सनका केन्द्रीय उपाध्यक्ष टिकाराम न्याैपाने, प्रदेश अध्यक्ष लालहरि पाण्डे ,पूर्व उपाध्यक्ष विष्णु पन्थी,पूर्व सचिवालय सदस्य लेखनाथ पौडेल लगायतले निजी विद्यालयहरूले १५ प्रतिशत पूर्ण  छात्रवृत्ति  दिन नसक्ने र निजी विद्यालयलाई क्रमशः गैरनाफामूलक बनाइनेछ भन्ने वाक्यांश हटाउनुपर्ने बताएका थिए ।
कार्यक्रम प्याब्सन रूपन्देहीका सचिव बोधराज गौडेलको सञ्चालन र अध्यक्ष दीपक खनालको सभापतित्वमा सम्पन्न भएको थियो।  

नागरिक अनलाइन

लेखकबाट थप

• शनिवार, श्रावण ३१ २०८२०६:३०:४६

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग