शुक्रवार, श्रावण ३० २०८२

प्याब्सन बुटवलको अन्तर विद्यालय नगरस्तरीय लोक नृत्यमा गार्गी प्रथम ,तिनाउ द्वितीय

नागरिक अनलाइन

1.8K

प्याब्सन बुटवलको अन्तर विद्यालय नगरस्तरीय लोक नृत्यमा गार्गी प्रथम ,तिनाउ द्वितीय

बुटवल,साउन ३० ।

निजी तथा आवासीय विद्यालय अर्गनाइजेसन नेपाल, (प्याब्सन) बुटवलको आयोजनामा शुक्रबार अन्तर विद्यालयनगरस्तरीय लोक नृत्य प्रतियोगिता सम्पन्न भएको छ ।

प्रतियोगितामा गार्गी एकेडेमीले प्रथम स्थान हासिल गरेकोछ ।त्यस्तैगरी तिनाउ इङ्लिस बोर्डिङ स्कुल द्वितीय, बेबिस्टार मन्टेश्वरी तृतीय र देवसिद्ध इङलिस बोर्डिङ स्कुलसान्त्वना भएका छन् ।

विजेता विद्यालयले क्रमशः १० हजार, ७ हजार ५००, ५ हजार र ३ हजार नगद र प्रमाणपत्रप्राप्त गरेका छन् । उक्त लोक नृत्य प्रतियोगिताको निर्णायक मण्डलको संयोजक बिक्रम राना रहेका थिए ।प्याब्सन बुटवलले प्रतियोगितामा सहभागी विद्यार्थीहरुलाई प्रमाणपत्रसमेत प्रदान गरेको छ ।

उक्त प्रतियोगितामाप्याब्सन बुटवलमा आबद्ध २६ वटा विद्यालयको सहभागिता रहेको थियो ।प्याब्सन बुटवलका अध्यक्ष मित्रहरिआचार्यको अध्यक्षतामा भएको कार्यक्रममा बुटवल उपमहानगरपालिकाका नगर प्रमुख खेलराज पाण्डेयको प्रमुखआतिथ्यता रहेको थियो । नगर प्रमुख पाण्डेयले बोल्दै शिक्षा क्षेत्रमा प्याब्सनले महत्वपूर्ण कार्य गर्दै अगाडि बढेकोबताए ।

उनले बुटवल शैक्षिक हवको रुपमा विकास हुँदै गएको भन्दै कला र संस्कृतिमा विशेष चासोका साथमहत्व दिएको बताए । उनले शिक्षालाई परिमार्जन गर्दै नैतिक शिक्षालाई जोड दिन आग्रह गरे ।

कार्यक्रममा नेपाल पत्रकार महासंघका केन्द्रीय सदस्य रामराज पोखरेलले प्याब्सनले हरेक वर्ष रचनात्मक कार्यगर्दै आएको बताए । उनले विद्यार्थीहरुलाई सीप र संस्कारसहितको शिक्षामा जोड दिन आग्रह गरे ।

त्यस्तैगरीअभिभावक संघ रुपन्देहीका अध्यक्ष तथा केन्द्रीय सदस्य लोकनाथ ज्ञवालीले विद्यार्थीको शैक्षिक तथा अतिरिक्तक्रियाकलापमा प्याब्सनमा आबद्ध विद्यालयले राम्रा कार्य गर्दै अगाडि बढेको बताए ।

कार्यक्रममा प्याब्सननेपालका केन्द्रीय सल्लाहकार तथा न्यू होराइजन माविका प्राचार्य लोकनाथ उपाध्याय, हिसान रुपन्देहीका पूर्वअध्यक्ष तथा अक्सफोर्ड माविका प्राचार्य दिनेश भुसाललगायतको सहभागिता रहेको थियो । कार्यक्रममा प्याब्सनबुटवलका अध्यक्ष मित्रहरि आचार्यले बोल्दै संस्थाले विभिन्न रचनात्मक कार्यक्रम गर्दै आएको बताए ।

उनले यसअघि संस्थाको स्थापना दिवसमा बुटवलको नन्दीनी गौशालामा १ लाख सहयोग गरिएको बताउँदै सामाजिककार्यमा समेत संस्था निरन्तर लागेको बताए ।कार्यक्रम संस्थाका सचिव भुवन अधिकारीको सञ्चालनमा सम्पन्नभएको थियो ।