बुटवल,साउन २८ ।

जी ट्वान्टी फाइभ क्लव बुटवल-११ रुपन्देहीले ११ औँ रक्तदान कार्यक्रम गरेको छ । रक्तदान जीवनदान भन्ने मूलमन्त्रलाई आत्मसात गर्दै गरिएको रक्तदान कार्यक्रममा ९१ युनिट रगत संकलन भएको छ ।

भारि बर्षाका बिचमा पनि आज देवीनगर चौपारीमा रक्तदान गरिएको र कार्यक्रम सफल भएको कार्यक्रम संयोजक बिमल पौडेलले बताउनुभयो ।

सो अवसरमा बोल्दै प्रमुख अतिथि वडा न ११ का वडाध्यक्ष रामचन्द्र क्षेत्रीले क्लवे निकै प्रशंसायोग्य सामाजिक काम गरिरहेको बताउनुभयो । उहाँले समाजमा क्लवहरूले सधै योगदान दिनुपर्ने बताउनुभयो ।

क्लवका अध्यक्ष जगदिश न्यौपानेले क्लवले विभिन्न रचनात्मक काम गरिरहेको बताउनुभयो ।  उहाँले गरिब, विपन्न र असहायहरुको लागि शिक्षा र स्वास्थ्यमा पहुँच बढाउने, विपद् व्यवस्थापन, वातावरण, कला र संस्कृतिको संरक्षणमा समेत सघाउने लक्ष्य राखेको बताउनुभयो ।

क्लवका संस्थापक ,निवर्तमान,सल्लाहकार ,मार्गदर्शक,पदाधिकारी ,सदस्यहरूको सहभागिता रहेको सो कार्यक्रमको संचालन महासचिव किशोर पंगेनीले गर्नुभएको थियो ।

नागरिक अनलाइन

लेखकबाट थप

• बुधवार, श्रावण २८ २०८२०१:३९:०१

• Tags:

  # जी ट्वान्टी फाइभ क्लव # रक्तदान

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा