बुटवल,साउन २७ ।

बुटवल उपमहानगरपालिकाद्धारा संचालित एसी फ्रिज मर्मत तथा भिडियोग्राफी तालिमको समापन गरिएको छ ।

बुटवल उप महानगरपालिकाको सभाहलमा सोमबार एक कार्यक्रमका बिच तालिममा सहभागीहरुलाई प्रमाणपत्र वितरण गर्दै समापन गरिएको हो ।  मेयर युवा रोजगार प्रवद्र्धन कार्यक्रम अन्तर्गत संचालन गरिएको एसी फ्रिज मर्मतमा २५ जना र अडियो,भिडियोग्राफी मा ३० जना गरि ५५ जना युवाहरु  तालिममा सहभागीले प्रमाणपत्र प्राप्त गरेका हुन ।  

कार्यक्रममा बोल्दै बुटवल उपमहानगरपालिकाका नगर प्रमुख खेलराज पाण्डेले युवाहरुलाई सिपसंग जोड्दै स्थानीयस्तरमै रोजगारसंग सृजना गर्ने उद्धेश्यले मेयर युवा रोजगार प्रवद्र्धन कार्यक्रम राखिएको बताउनुभयो ।

यस कार्यक्रम अन्र्तगत २० वटा विषयहरु छनोट गरि संचालन गरिएकोमा एसी मर्मत र भिडियोग्राफी तालिम अहिलेको आवश्यकता र प्राथमिकतामा परेको तालिम भएको नगरप्रमुख पाण्डेले बताउनुभयो । उहांले सिकेको सिपलाई रोजगारसंग जोडन र आफ्नो दक्षता बृद्धि गर्न सहभागीलाई आग्रह गर्दै  उपमहानगरपालिकाको तर्फबाट पनि रोजगारका लागि थप सहयोग गर्ने प्रतिवद्धता व्यक्त गर्नुभयो ।

यस्तै उपप्रमुख सावित्रादेवी अर्यालले अहिलेको परिवेशमा युवाहरु विदेशिने क्रमलाई रोक्दै स्वदेशमै रोगार र व्यवसायसंग जोड्नका लागि बुटवल उपमहानगरपालिकाले युवा लक्षित गरेर लगानी गरेको बताउनुभयो । बुटवलको लगानीलाई खेर जान नदिन सहभागीलाई आग्रह गर्दै इमान्दारीकासाथ सिपलाई सदुपयोग गर्न आग्रह गर्नुभयो ।

बुटवल उपमहानगरपालिकाको आयोजना तथा जयन टेक्निकल कलेज बुटवलको संयोजनमा संचालित एसी फ्रिज मर्मत तालिक ४५ दिन र हवाइटी बुटवलको संयोजनमा संचालित अडियो भिडियोग्राफी तालिम ३० दिन सम्म संचालन गरिएको बुटवल उपमहानगरपालिका कार्यालय रोजगार शाखा प्रमुख अरबिन्द पाण्डेले जानकारी दिनुभयो । 

एसी फ्रिज मर्मत तालिमको सहजीकरण प्रशिक्षक ठाकुर प्रसाद राना र शुमित श्रेष्ठले गर्नुभएको थियो । यस्तै अडियो भिडियोग्राफी तालिमको प्रशिक्षक द्धय अर्जुन अर्याल र अनिल काउचाले सहजीकरण गर्नुभएको थियो ।

तालिममा सहभागीहरुले सिप खोजिरहेकोबेला बुटवल उपमहानगरपालिकाले महत्पूर्ण तालिमको आयोजना गरि सहभागी गराई आधारभुत तालिम प्रदान गरेकोमा आभार व्यक्त गर्दै एडभान्स तालिमको समेत माग गरेका थिए ।

नागरिक अनलाइन

लेखकबाट थप

• मंगलवार, श्रावण २७ २०८२०५:१७:२७

• Tags:

  # बुटवल उपमहानगरपालिका # तालिम समापन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा