बुटवल,साउन २७ ।

बुटवलका उद्योगी ब्यवसायीलाई विद्युतीय बजारीकरण (डिजिटल मार्केटिङ) सम्बन्धि तालिम प्रदान गरिएको छ । 
बुटवल उद्योग वाणिज्य संघले परम्परागत व्यवसाय सञ्चालन गरिरहेका र विद्युतीय बजारीकरणमा जान चाहेका व्यवसायीलाई तालिम प्रदान गरेको हो ।

तालिम कार्यक्रममा बोल्दै संघका अध्यक्ष हरिप्रसाद अर्यालले समयको विकासक्रमसंगै व्यापार व्यवसायलाई समयसापेक्ष रुपमा लैजान आवश्यक देखिएको र त्यसको प्रवद्र्धनका लागि तालिम प्रदान गरिएको बताउनु भयो ।

उहाँले सूचना प्रविधिमा आधारित यो तालिम नितान्त प्राविधिक भएकाले तालिममा सिकेका कुरालाई व्यवहारिक कार्यान्वयनमा जोड दिनुभयो ।

तालिममा नेपाल फिलिलि टेक प्रा.लि. काठमाण्डौका संस्थापक प्रमुख कार्यकारी अधिकृत जेसिस कोइरालाले अनलाईन विजनेश, अनलाईन विजनेशका आधारहरु, कृतिम बुद्धिमता (एआई)को प्रयोग लगायतका विषयमा सैद्धान्तिक तथा व्यवहारिक पक्षहरुका बारेमा जानकारी गराउनु भएको महासचिव मुक्तिप्रसाद अधिकारीले जानकारी गराउनुभयो । उहाँका अनुसार तालिममा संघका पदाधिकारी, कार्यसमिति सदस्य तथा बस्तुगत समितिका सभापति, उपसभापति लगायत करिव ७० जनाको सहभागिता रहेको थियो ।

त्यसै अवसरमा उहाँले अनलाईन विजनेश, अनलाईन विजनेशका आधारहरु, कृतिम बुद्धिमता लगायतका विषयमा इच्छुक उद्योगी व्यवसायीलाई निल्शुल्क अनलाईन तालिम प्रदान गरिने जानकारी गराउनुभयो ।

कार्यक्रममा सहभागी तथा प्रशिक्षक लगायतलाई धन्यवाद ज्ञापन गर्दै संघका वरिष्ठ उपाध्यक्ष टंकप्रसाद गैरेले संघले उद्योगी व्यवसायीका लागि विभिन्न विषयमा तालिम कार्यक्रम सञ्चालन गर्दै आएको बताउँदै आगामी दिनमा पनि आवश्यकता अनुसारका कार्यक्रम सञ्चालन गरिने बताउनुभयो ।

नागरिक अनलाइन

लेखकबाट थप

• मंगलवार, श्रावण २७ २०८२०४:२७:३१

• Tags:

  # विद्युतीय बजारीकरण # बुटवल उद्योग वाणिज्य संघ रुपन्देही

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन