भैरहवा,साउन १३।

रुपन्देहीको सिद्धार्थनगर नगरपालिकाको जथाभावी फोहोर फाल्ने माथि कडा निगरानी गरिरहेको छ ।सरसफाई तथा फोहोर उठाउन नियमित रुपमा ट्याक्टरहरु घर घरमा पुर्याउदाँ समेत सार्वजनिक स्थान, सडक किनार जस्ता क्षेत्रमा फोहोर फाल्ने क्रम नरोकीए पछि नगरपालिकाले निगरानि बढाएको हो ।

नगरपालिकाले फोहोरको प्रकृती हेरेर जथाभावि फोहोर फाल्नेलाई फोहोरमैला व्यवस्थापन ऐन २०६८ को दफा ३८ ९क० अनुसार ५० हजारसम्म जरिवाना तिराउन सक्ने वयवस्था छ । सोही बमोजिम पछिल्लो दुई महिनामा नगरपालिकाले जथाभावि फोहोर फाल्ने पसल तथा वयक्तीहरुको भिडीयो र फोहो संकलन गरी १८ जनालाई कार्वाही गरेको नगरपालिका फोहोरमैला व्यवस्थापन शाखाका प्रमुख यादव सापकोटाले जानकारी दिए । उनका अनुसार अहिले नगरपालिकाले पाँच हजार देखी १५ हजारसम्म जरिवाना तिराएको छ ।

पटक पटक सम्झाउदाँ  अटेर गर्ने र लुकिछिपी नियमीतरुपमा जथाभावि फोहोर फाल्नेको पहिचान गरी कार्वाही अगाडी बढाईएको छ । त्यसकोलागी बढी फोहोर फालीने स्थानहरुको पहिचान गरी बिहान साझँ नगरप्रहरी परिचालन गरीएको प्रशासन महाशाखा प्रमुख देव ज्ञवालिले जानकारी दिए ।

उनका अनुसार जथाभावि फोहोर फाल्ने र सडक छेउछाउमा लगाईएको फुल टिप्ने, रुख विरुवाहरुको हागाँ भाच्नेहरु माथि समेत निगरानी बढाईएको छ । सिद्धार्थनगर नगरपालिका नगर प्रमुख एवं सविधानसभा सदस्य इश्तियाक अहमद खाँले नगर सुनदरीकरण गर्ने, हरियाली बनाउने कुरा एउटा मात्र निकायले गरेर सम्भव नहुने हुदाँ सवैले सहयोग गर्नुपर्ने बताए । उनले सिद्धार्थनगर गौतमबुद्धको प्रवेसद्धार समेत रहेकाले यस नगरलाई क्लिन, ग्रिन र वातावरण मैत्री बनाउने अभियानमा आफु लागेको र त्यसमा सवैले सहयोग गर्नुपर्ने बताए । 

नागरिक अनलाइन

लेखकबाट थप

• मंगलवार, श्रावण १३ २०८२०४:१९:५८

• Tags:

  # सिद्धार्थनगर # फोहोर ब्यबस्थापन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा