दाङ,साउन १

लुम्बिनी प्रदेशका मुख्यमन्त्री चेतनारायण आचार्यले हिन्दू धर्मावलम्बीहरूको महत्वपूर्ण पर्व नागपञ्चमीको अवसरमा सम्पूर्ण प्रदेशवासीमा हार्दिक शुभकामना व्यक्त गर्नुभएको छ ।

मुख्यमन्त्री आचार्यले शुभकामना सन्देशमा मानव सभ्यताको आरम्भदेखि नै प्रकृतिपूजाको परम्परा नेपाली समाजमा रहेको उल्लेख गर्दै नागपञ्चमी पर्वले प्रकृति, सर्प, वन्यजन्तु तथा जैविक विविधताको संरक्षणप्रति जनचेतना फैलाउने सन्देश दिन्छ भन्ने विश्वास व्यक्त गर्नुभएको छ ।

`धार्मिक, सांस्कृतिक र सामाजिक महत्व बोकेको यो पर्वले सबैमा आपसी सद्भाव, मेलमिलाप र सहअस्तित्वको भावना बलियो बनाओस्,´उहाँको सन्देशमा उल्लेख छ ।

मुख्यमन्त्री आचार्यले पर्वहरूको मौलिकता, वातावरणसँगको सम्बन्ध र सांस्कृतिक सम्पदाको संरक्षणमा सबैले ध्यान दिनुपर्ने आवश्यकता औंल्याउँदै यस अवसरमा प्रदेशवासीमा शान्ति, समृद्धि र सु-स्वास्थ्यको कामना गर्नुभएको छ ।

यस्तै थारु समुदायले मनाउने गुरही पर्व, मधेसी समुदायले मनाउने गुडिया पर्वकाे अवसरमा समेत शुभकामना व्यक्त गर्दै माैलिक संस्कृतिहरुकाे प्रवर्द्धनबाट प्रदेशले समृद्धि हाँसिल गर्ने विश्वास व्यक्त गर्नु भएको छ ।

नागरिक अनलाइन

लेखकबाट थप

• मंगलवार, श्रावण १३ २०८२०१:१४:२१

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग