काठमाडौँ, साउन २ ।

नेकपा (एमाले) का अध्यक्ष तथा प्रधानमन्त्री केपी शर्मा ओलीले विधान निर्माण गर्ने काममा पार्टीको नेतालाई रचनात्मक र सकारात्मक भूमिका खेल्न निर्देशन दिनु भएको छ ।

ललितपुरको च्यासलस्थित एमाले मुख्यालयमा आज भएको पार्टीको पोलिटव्युरो  बैठकमा उहाँले अहिलेको विकसित राजनीतिक घटनाक्रम, सरकार र विधान बारेमा रचनात्मक र सकारात्मक भूमिका खेल्न निर्देशन दिनुभएको हो । 

यस्तै, बैठकमा साङ्गठनिक प्रतिवेदन प्रस्तुत गर्दै महासचिव शङ्कर पोखरेलको पार्टीको सङ्गठनात्मक क्षेत्र बलियो बन्दै गइरहेको बताउनु भएको छ । उहाँले पार्टी संगठित सदस्य  १५ प्रतिशतले बढेको जानकारी दिनुभयो । 

पूर्व राष्ट्रपति भण्डारीको सदस्यताबारे छलफल हुन्छ :

नेकपा (एमाले) का अध्यक्ष एवं प्रधानमन्त्री केपी शर्मा ओलीले पूर्व राष्ट्रपति विद्या भण्डारीको सदस्यता नवीकरणका विषयमा पार्टीले छलफल गरेर निर्णय गर्ने बताउनुभएको छ ।

पार्टीको पोलिटव्यूरो बैठकलाई आज सम्बोधन गर्दै अध्यक्ष ओलीले भण्डारी सक्रिय राजनीतिमा फर्कनु हुन्न भन्ने विश्वासका साथ उहाँलाई दोस्रो पटक राषट्रपति बनाइएको बताउनुभयो । भण्डारीको सदस्यता हालसम्म नवीकरण नभएको अध्यक्ष ओलीले बैठकमा जानकारी गराउनुभएको छ । बैठकलाई सम्बोधन गर्दै अध्यक्ष ओलीले पार्टीभित्रको अराजकता रोक्न आवश्यक रहेको बताउनुभयो । 

प्रधानमन्त्री ओलीले  राष्ट्रपति सक्रिय राजनीतिमा आउने कुरा आफूले  सञ्चारमाध्यमबाट जानकारी पाएको बताउनुभयो । दोश्रो पटक उहाँलाई पार्टीले पठाएको हो । अहिले संवैधानिक ब्यवस्था अनुसार फर्किनु हुन्न भनेर जिम्मेवारी दिएको हो, अध्यक्ष ओलीले बैठकमा भन्नुभएको नेताहरुको भनाइ छ । 

नागरिक अनलाइन

लेखकबाट थप

• शनिवार, श्रावण ३ २०८२०८:४०:५४

• Tags:

  # एमाले अध्यक्ष केपी ओली

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा