सोमवार, आषाढ १६ २०८२

बुटवल १९ का तिर्थ थारूको खेतमा रोपे मेयर-उपमेयरले धान,मनाए दिवस

नागरिक अनलाइन

774

बुटवल १९ का तिर्थ थारूको खेतमा रोपे मेयर-उपमेयरले धान,मनाए दिवस

बुटवल,असार १६ ।

२२ औं राष्ट्रिय धान दिवस बुटवल उपमहानगरपालिकाले उत्सवकै रूपमा मनाएको छ । बुटवल उपमहानगरपालिका वडा नं १९ मनोहरापुर स्थित तिर्थ थारूको ५ कट्ठामा खेतमा धान रोपेर धान दिवस मनाएको हो ।दिवसको आइतबार बिहान एक कार्यक्रमकाबीच बुटवल उपमहानगरपालिकाका नगर प्रमुख खेलराज पाण्डेयले उद्घाटन गरेका हुन् । khel raj.jpg

सो अवसरमा नगर प्रमुख पाण्डेयले बुटवल उपमहानगरपालिकाले कृषिलाई प्राथमिकतामा राखेर धान दिवसलाई उत्सवकै रूपमा मनाइएको बताए ।

जबसम्म कृषि र उत्पादनलाई प्राथमिकतामा राख्दैनौ तबसम्म मुलुक समृद्ध बन्न नसक्ने भन्दै नगर प्रमुख पाण्डेयले बुटवल उपमहानगरपालिकाले कृषि र पशुपालनलाई महत्वका साथ बजेट छुट्टयाइएको जानकारी गराए । उपमेयर सावित्रादेवी अर्यालले बुटवलले कृषि क्षेत्रलाई प्राथमिकता दिएर बजेट बिनियोजन गरेको बताइन् ।

यस्तै असार १५ गतेसम्म बुटवलमा २२ प्रतिशत रोपाई सकिएको छ । २९ सय ६० हेक्टर क्षेत्रफल खेती हुने गरेको र अहिलेसम्म २२ प्रतिशत रोपाई सकिएको कृषि विकास शाखाका सन्तोष जिसीले जानकारी दिनु भयो । कार्यक्रममा पञ्चेबाजा, मयुर नाचलगायत विभिन्न किसिमका झाँकी समेत प्रदर्शन गरिएको कार्यक्रम संयोजक लक्ष्मी थारूले जानकारी दिइन् ।