बुटवल,माघ १५-

तेस्रो राष्ट्रिय बुटवल मेयर कप अण्डर १८ टेबल टेनिस प्रतियोगिता २०७७ शुरु भएको छ ।

टेबल टेनिस खेलको विकास र युवा खेलाडी उत्पादन गर्ने लक्ष्यसहित रुपन्देही जिल्ला टेबल टेनिस संघको आयोजनामा  देविनगर ओलिपथस्थित कोर्टमा भएको उद्घाटन खेलमा काठमाण्डौ एबिएम स्कुलका प्रनिशक भारतीले विजयी शुरुवात गरेका छन ।

उनले बुटवल एपेक्सका प्रनिश खत्रीलाई ३-० को सेटमा पराजित गरेका हुन । खेल ११-३, ११-१ र ११-१  गएको थियो । पहिलो दिन प्रिक्वाटरसम्मको खेल सक्ने राष्ट्रिय रेफ्री नर बहादुर क्षेत्रीले बताए ।

विहिबार एक समारोहका बिच बुटवल उपमहानगरपालिकाका नगरप्रमुख शिवराज सुवेदीले उद्घाटन गर्दै खेलकुदको विकासमा नगरसरकार लागेको बताए। 

प्रतियोगितामा ९६ जना खेलाडी सहभागीता रहेको उनले बताए। छात्र र छात्रा गरि दुई विद्यामा हुने खेलमा उपाधि विजेता, उपविजेता र तृतिय स्थान हासिल गर्ने खेलाडीलाई नगद २५ हजार, १५ हजार र ५-५ हजार रुपैया, कप, मेडल र प्रमाणपत्रबाट पुरस्कृत गरिने अध्यक्ष सुरेन्द्र कुमार शाक्यले बताए।

प्रतियोगिता आयोजनाका लागि २ लाख ५० हजार अनुमानित खर्च रहेकोमा बुटवल उपमहानगरपालिकाबाट १ लाख रुपैया सहयोग गरेको छ। 

उद्घाटन कार्यक्रममा बुटवल नगर खेलकुद विकास समितिका अध्यक्ष नन्दु काउचा, संघका प्रमुख सल्लाहकार अर्जुनमान सैजु, साउथ एशियन टेबल टेनिस फेडेरेसनका महासचिव तथा पुर्व मुख्य प्रशिक्षक शंकर गौतम, राखेपका वरिष्ठ मुख्य प्रशिक्षक संजिव ढुगेल, संघका सल्लाहकार कृष्ण कुमार श्रेष्ठ, सचिव महेश खनालले खेलाडीहरुलाई शुभकामना दिएका थिए।

नागरिक अनलाइन

लेखकबाट थप

• बिहिवार, माघ १५ २०७७०७:०६:२७

• Tags:

  # नेकपा # टेबल टेनिस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा