बुटवल,जेठ ४ ।

बुटवल उपमहानगरपालिका वडा नं. ६ मा गृहिणी महिलालाई बाटेको धुप बनाउने तालिम सुरु गरिएको छ । उक्त तालिमको आईतबार नगरप्रमुख खेलराज पाण्डेयले उद्घाटन गर्नुभएको हो ।

नगरप्रमुख गृहिणी महिला स्वरोजगार कार्यक्रम अन्तरगत आयोजना गरिएको उक्त तालिममा वडा नं. ६ का ३० जना गृहिणी महिला सहभागि छन् ।नगरपालिकाले अघिल्लो वर्षदेखि नगरप्रमुख गृहिणी महिला स्वरोजगार कार्यक्रम सुरु गरेको छ ।

नगरप्रमुख गृहिणी महिला स्वरोजगार कार्यक्रम अन्तरगत नगरपालिकामा सूचीकृत १६ तथा वडा आफैले छानेका स्वीटर बुन्ने र पापड बनाउने तालिम गरी १८ प्रकारका तालिम प्रदान गरिदैं आएको नगरप्रमुख पाण्डेयले जानकारी गराउनुभयो ।

त्यस अवसरमा नगरप्रमुख पाण्डेयले गृहिणी महिलालाई सीपसंग जोडेर आयआर्जनमा सहभागि गराउनको लागि नगरप्रमुख गृहिणी महिला कार्यक्रम सञ्चालन गरिएको बताउँदै सीप सिकेपछि रोजगारी वा स्वरोजगारीमा जोडिन आग्रह गर्नुभयो ।

उहाँले त्यसबाहेक सम्भावना देखिएका अन्य विषयका तालिमका लागि समेत १५-२० जनाको समुह बनाए नगरपालिकाले तालिम प्रदान गर्ने बताउँदै एउटा तालिम लिएको व्यक्तिले अर्को तालिम नलिन पनि आग्रह गर्नुभयो । तालिमको उद्घाटन कार्यक्रममा बुटवल उपमहानगरपालिका वडा नं. ६ का अध्यक्ष लोकनाथ न्यौपानेले स्थानीय आवश्यकताको आधारमा तालिम छनौट गरिएको बताउँदै तालिम लिएपछि सम्बन्धित पेशा व्यवसायमा लाग्न आग्रह गर्नुभयो ।

उहाँले सबैले छुट्टा छुट्टै गर्नेभन्दा पनि सकिन्छ भने सबै मिलेर एउटै ब्राण्डको उद्योग चलाउने सोँच बनाउन पनि तालिमका सहभागिलाई आग्रह गर्नुभयो । सात दिनसम्म सञ्चालन गरिने उक्त तालिममा बुटवल उपमहानगरपालिका वडा नं. ६ का ३० जना गृहिणी महिला सहभागि छन् ।

नागरिक अनलाइन

लेखकबाट थप

• आइतवार, जेठ ४ २०८२०३:०२:४६

• Tags:

  # गृहिणी महिला स्वरोजगार कार्यक्रम # बुटवल उपमहानगरपालिका

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा