बुटवल,माघ १३ ।

नेकपा ओली पक्षको राष्ट्रिय युवा संघ नेपाल लुम्बिनीले बुटवलमा शक्ति प्रदर्शन गरेको छ। मध्यावधि निर्वाचनको समर्थनमा  बुटवलस्थित राजमार्ग चौराहाबाट युवा संघले प्रदर्शन गर्दै सुख्खानगरस्थित पुष्पलाल स्मृति भवनको प्रांगणमा अगुवा कार्यकर्ता भेला आयोजना गरेको हाे।

प्रदर्शनमा सहभागीहरुले प्रधानमन्त्रीलाई काम गर्न दिन र नयाँ जनादेशका लागि चुनाबमा जानुपर्ने जस्ता नारा लगाएका थिए।

भेलामा नेकपा ओली पक्षका लुम्बिनी इन्चार्ज तथा लुम्बिनी प्रदेशका मुख्यमन्त्री शंकर पोखरेल, नेताहरु महेश बस्नेत, लिला गिरी, रमेश पौडेललगायतले सम्बोधन गरेका छन् ।

कारवाहीमा परिने डरले प्रचण्डले संवैधानिक निकायमा नियुक्ती गर्न दिएनन् :  पोखरेल

लुम्बिनी प्रदेशका मुख्यमन्त्री शंकर पोखरेलले प्रचण्डका कारण संवैधानिक निकायमा नियुक्त हुन नसकेको बताएका छन्।

बुटवलमा मंगलबार युवासंघ नेपालको अगुवा कार्यकर्ता भेलालाई सम्बोधन गदैै नेकपा ओली पक्षका नेता समेत रहेका पोखरेलले कारवाहीमा परिने डरले प्रचण्डले अख्तियार लगायतका संवैधानिक निकायमा नियुक्ती गर्न नदिएको आरोप लगाए।

अध्यादेशको आवश्यकता त्यसैको लागि थियो।नेपालको गुमेका भुभाग समेटेर चुच्चे नक्सा सार्वजनिक भएपछि प्रधानमन्त्री माथि घेराबन्दी गरिएको पोखरेलको भनाइ छ ।

केपी ओलीलाई पार्टी चलाउन नसकेको चर्चा हुने भन्दै उनले दुइ तिहाइको समर्थन प्राप्त नेता पार्टी चलाउन नसकेको हुन्छ भनि प्रश्न गरे। उनले ओलीले दुइ वटा ठूला पार्टीलाई एकतामा बाध्ने सहाशिक निर्णय गरेको दाबी गरे। युवा भेलामा उनले बर्तमान प्रधानमन्त्री युवा पुस्ताको पक्षमा रहेको उल्लेख गरे । 

युवा  नेता महेश बस्नेतले प्रचण्डलाई अधिनायकबादको गलतबाटो बाट केपि ओलीलेसहि ठाउमा ल्याएपनि प्रचण्डले षडयन्त्र गरेर पार्टीलाई ध्यवस्त पार्न खोजेको बताए ।

नागरिक अनलाइन

लेखकबाट थप

• मंगलवार, माघ १३ २०७७०५:५५:२३

• Tags:

  # नेकपा # युवा संघ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा