बुटवल,माघ १२ । 

प्रधानमन्त्री केपी शर्मा ओलीले प्रचण्ड-नेपाल ‘कुलंघार र भस्मासुर’को संज्ञा दिएका छन्  । दाङको राप्ती गाउँपालिका–२ लालमटियामा आयोजित नेकपाको जनसभालाई सम्बोधन गर्दै उनले पुष्पकमल दाहाल प्रचण्ड र माधवकुमार नेपालहरु सिंङ‌ फुक्लेका तिल्के गाेरुजस्तै भएको भन्दै उनीहरुको दम नभएको बताए ।

अहिले उनीहरु तिल्के गोरुजस्तै फाँ फू गर्दै हिडेका छन् ,सिंङ‌ फुक्लेका तिल्केहरुको दम सकियो,झुक्किएर पनि अबको चुनावमा उनीहरुलाइ संसदमा पुर्याउनुहुन्न । ’ उनले भने  

‘एउटा तिल्के गोरु थियो । त्यो गोरुले अर्को गोरु देख्नै नहुने । झम्टी हाल्ने, सिंगौरी खेल्ने , भुइँ खोस्रिने, हुक्का गर्ने । अनि, त्यसको फ्वाँफूँ देखेर अरु डराउने’, ओलीले थपे, ‘एक दिन अलिक नटेर्ने खालको बहर गोरु परेछ । घड्याप्प जुधेको । बुढो तिल्के गोरुको सिङ भाँचिदियो । तिल्केलाई रिस त उठ्यो होला, सिङ भाँचिएकोमा । तर, जुध्न सकेन ।’

प्रचण्ड र माधवप्रति लक्षित गर्दै ओलीले भने, ‘यी तिल्केहरु पनि त्यस्तै हुन् । यिनले फाँफुँ गर्दै गर्छन्, फुक्लिएको सिङ लिएर हिड्दै गर्छन् ।’ तर, सिंङ फुक्लिसकेकाले अब ढाक नलगाए नलगाउन चेतावनी दिए । ‘अशान्ति मच्याउने यिनसँग क्षमता पनि छैन,दम पनि छैन । यिनीहरुले केही पनि गर्न सक्दैन’,उनले टिप्पणी गरे ।

अस्थिरता मच्चाउने त्यस्ता तत्वलाइ दण्डित गर्नुपर्ने र झुक्किएर पनि उनीहरुलाइ संसदमा नपठाउन उनको आग्रह छ । देश निर्वाचनमा गएको भन्दै उनले २०७८ बैसाख १७ र २७ गते चुनाव हुने दाबि गरे ।

याे पनि:-

राप्ती नदीमा निर्मित नेपालकै दोस्रो लामो पक्की पुल प्रधानमन्त्री ओलीद्वारा उद्घाटन

नागरिक अनलाइन

लेखकबाट थप

• सोमवार, माघ १२ २०७७०३:५५:०२

• Tags:

  # प्रधानमन्त्री केपी ओली # नेकपा विवाद

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग