बुटवल, बैशाख ८।
बुटवलमा सम्पन्न यू–१४ टि ट्वान्टी क्रिकेट प्रतियोगिताको उपाधि आयोजक वेष्ट्रन क्रिकेट एकेडेमीले चुमेको छ । सोमबार भएको फाईनल खेलमा देवदह क्रिकेट युनिटलाई १३ रनले पराजित गर्दै वेष्ट्रनले उपाधि चुमेको हो । उपाधिसंगै वेष्ट्रन नगद ४१ हजार रुपैया, कप, मेडल, प्रमाणपत्रबाट पुरस्कृत भयो । उपविजेता देवदह भने नगद २१ हजार रुपैया, कप, मेडल, प्रमाणपत्रमा चित्त बुझायो ।

नरेश्वर खेल मैदानमा भएको फाईनलमा टस जितेर ब्याटिङ रोजेको वेष्ट्रनले १४.१ ओभरमा सबै बिकेट गुमाएर ५५ रनको लक्ष्य खडा गरेको थियो । उसका लागि केशव रायमाझीले २० बलमा १५ रनबाहेक अन्य ब्याट्सम्यानले दोहोरो अंकको रन जोड्न सकेनन । कम स्कोरमा रोक्न प्रिन्स शर्माले ४ तथा रोहित कुवरले ३ विकेट लिए ।

झिनो लक्ष्य पछ्याएको देवदह भने १६.४ ओभरमा ४१ रनमा समेटियो । देवदहका रोजन काफलेले ३३ बलमा १५ रनको नटआउट तथा सुसान्त बिक बिकले १५ बलमा १५ रन जोडपनि जितका लागि पर्याप्त भएन ।

वेष्ट्रनको जितमा सुप्रिम कंडेलले ४ तथा निश्चल पौडेलले ३ बिकेट लिए । खेलमा सुप्रिम कंडेल प्लेयर अफ दी म्याचबाट पुरस्कृत भए । यसैगरी विधागत तर्फ उत्कृष्ट व्याट्सम्यान देवदहका रोहित कुवर, बेष्ट्रनका सम्राट पोखरेल उत्कृष्ट बलर, गार्गीका अनमोल पुन सर्वोत्कृष्ट खेलाडी घोषित हुदै पुरस्कृत भए । वेष्ट्रनका सुप्रिम कंडेल म्यान अफ ली सिरिज घोषित हुदै नगद ५ हजार, ट्रफीबाट पुरस्कृत भए ।

एक कार्यक्रमका बिच बुटवल उपमहानगरपालिकाका उपप्रमुख सावित्रादेवी अर्याल, वडा नं.११ का वडाअध्यक्ष रामचन्द्र क्षेत्री, रुपन्देही क्रिकेट संघका अध्यक्ष हरि बहादुर थापा, लुम्बिनी प्रदेश क्रिकेट संघका अध्यक्ष संजय गुरुङ, नेपाल पत्रकार महासंघका उपाध्यक्ष विश्वास ढकाल,नेपाल मोबाईल संघका केन्द्रीय सदस्य विष्णु ज्ञवाली, नेपाल फर्निचर तथा फर्निसिङ संघ लुम्बिनी प्रदेशका अध्यक्ष सुरेन्द्र ज्ञवाली, बुटवल उपमहानगरपालिका युवा खेलकुद शाखा प्रमुख कोपिला ज्ञवालीले विजेता, उपविजेता टिम तथा उत्कृष्ट खेलाडीहरुलाई पुरस्कार वितरण गरे। प्रतियोगितामा १२ वटा टिम दुई समुह विभाजन गरी राउण्ड रोविनका आधारमा खेलाएर समूहको शिर्ष दुई टोलीले उपाधिका लागि प्रतिस्पर्धा गरेको क्लबका अध्यक्ष भुवन पाण्डेले बताए ।

नागरिक अनलाइन

लेखकबाट थप

• सोमवार, बैशाख ८ २०८२०४:०४:३३

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...