काठमाडौँ,वैशाख २ ।

सर्वोच्च अदालतले सुप्रिम सहकारीको रकम अपचलन मुद्दामा नेपाल प्रहरीका पूर्वडीआईजी छविलाल जोशीलाई पुर्पक्षका लागि थुनामा पठाउने आदेशको कैफियत प्रतिवेदन मगाएको छ । 

न्यायाधीश विनोद शर्माको इजलासले जोशीले दायर गरेको थुनुवा, दफा ७३ निवेदनमाथि सुनुवाई गर्दै जिल्लासँग कैफियत प्रतिवेदन मगाउने आदेश गरेको हो । गत माघ २८ गते रुपन्देही जिल्ला अदालतले सुप्रिम सहकारीको रकम अपचलन मुद्दामा जोशीलाई पुर्पक्षका लागि थुनामा पठाउने आदेश दिएको गरेको थियो । 

सोही मुद्दामा राष्ट्रिय स्वतन्त्र पार्टी (रास्वपा)का सभापति रवि लामिछानेलाई भने एक करोड रुपैयाँ धरौटीमा छाडिएको थियो ।चैत २२ गते उच्च अदालत तुलसीपुरको बुटवल इजलासले जिल्लाको आदेश उल्टाउँदै सहकारी ठगी प्रकरणमा लामिछानेलाई पनि थुनामा पठाउने आदेश गरेको थियो ।

सो आदेशविरुद्ध सर्वोच्चमा थुनुवा दफा ७३ निवदेन दायर भएकोमा गत आइतबार सर्वोच्चले उच्चसँग कैफियत प्रतिवेदन मगाउने आदेश गरिसकेको छ ।

नागरिक अनलाइन

लेखकबाट थप

• मंगलवार, बैशाख २ २०८२०६:४३:१२

• Tags:

  # सर्वोच्च अदालत

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा