बुटवल,चैत्र १९ ।

वेष्टर्न क्रिकेट क्लबको आयोजनामा अण्डर फाेर्टिन खेलाडीहरूका लागि क्रिकेट प्रतियोगिता हुने भएको छ। मंगलबार बुटवलमा आयोजित पत्रकार सम्मेलनमा क्लबका अध्यक्ष भुवन पाण्डेले प्रतियोगिता चैत्र २२ देखि ३० गतेसम्म बुटवल १६ को नरैनापुर खेलमैदानमा सञ्चालन हुने जानकारी दिए।

विजेता टिमले ४१ हजार रुपैयाँ नगद, मेडल, ट्रफी र प्रमाणपत्र प्राप्त गर्नेछ भने उपविजेता टिमले २१ हजार रुपैयाँ पाउनेछ। साथै, उत्कृष्ट बलर, उत्कृष्ट ब्याट्सम्यान र म्यान अफ द म्याचलाई विशेष पुरस्कार प्रदान गरिनेछ।

म्यान अफ द म्याच घोषित हुने खेलाडीलाई मेडलसँगै हैदराबादी दम बिरयानी बुटवलको तर्फबाट एक प्लेट बिरयानी दिइनेछ। त्यस्तै, बाहिर बसेर खेल हेर्ने दर्शकले क्याच समातेमा पनि एक प्लेट बिरयानी जित्ने अवसर पाउनेछन्।

प्रतियोगिता बुटवल उपमहानगरपालिकाको आर्थिक सहयोगमा आयोजना गरिएको हो भने हैदराबादी दम बिरयानी बुटवल मुख्य प्रायोजक रहेको छ। साथै, गार्गी एकेडेमीले खेलाडीलाई मैदानसम्म लैजाने व्यवस्था मिलाएको छ। पत्रकार सम्मेलन क्लबका अध्यक्ष भुवन पाण्डेको अध्यक्षतामा सम्पन्न भएको थियो। प्रमुख अतिथि जिल्ला खेलकुद विकास समितिका प्रमुख चन्द्रकान्त आचार्य रहेका थिए।

कार्यक्रममा लुम्बिनी प्रदेश क्रिकेट संघका अध्यक्ष सञ्जय गुरुङ, नेपाल क्रिकेट संघका पूर्व कार्यवाहक सचिव प्रसान्त विक्रम मल्ल, बुटवल क्रिकेट विकास समितिका कार्यवाहक अध्यक्ष रोमित बज्राचार्य, पत्रकार महासंघ रुपन्देहीका उपाध्यक्ष विश्वास ढकाल,गार्गी एकेडेमीका प्राचार्य भुवन अधिकारी,खेलाडी, प्रशिक्षक तथा एकेडेमी सञ्चालकहरूको उपस्थिति रहेको थियो।

प्रतियोगितामा १२ टिम सहभागी हुनेछन्, जसमा स्टार क्रिकेट एकेडेमी, शान्ति नमुना, नव ज्योति लगायतका टिम छन्। दर्ता शुल्क ८ हजार रुपैयाँ तोकिएको छ।

कार्यक्रममा प्रतियोगिताको ट्रफी पनि सार्वजनिक गरिएको थियो।

नागरिक अनलाइन

लेखकबाट थप

• मंगलवार, चैत्र १९ २०८११०:३८:१७

• Tags:

  # वेष्टर्न क्रिकेट क्लव

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन