गुल्मी, चैत ६ ।

स्ववियु निर्वाचनबाट गुल्मीका ११ क्याम्पसमध्ये छ क्याम्पसमा नेपाल विद्यार्थी संघले नेतृत्व पाएको छ।  दुई क्याम्पसको नेतृत्व अनेरास्ववियुले पाएको छ भने एक क्याम्पसको नेतृत्व अखिल क्रान्तिकारीले प्राप्त गरेका छन्।

स्वतन्त्र विद्यार्थी युनियन (स्ववियु) निर्वाचनबाट नेपाल विद्यार्थी संघबाट गुल्मीको सदरमुकाम तम्घासस्थित रेसुङ्गा बहुमुखी क्याम्पसको स्ववियु अध्यक्षमा सुदीप खत्री, जनज्योति बहुमुखी क्याम्पस मदानेको स्ववियु अध्यक्षमा गंगा पन्थी, चन्द्रकोट बहुमुखी क्याम्पसको स्ववियु अध्यक्षमा प्रदिप नेपाली, मानका टिकाराम बहुमुखी क्याम्पसको स्ववियु अध्यक्षमा विशाल थापा, रुरु संस्कृत विद्यापीठको स्ववियु अध्यक्षमा मुक्तिराम पोखरेल (मुकुन्द) र सत्यवती बहुमुखी क्याम्पसको स्ववियु अध्यक्षमा जमुना ज्ञवाली निर्विरोध निर्वाचित हुनुभएको छ।

अखिल नेपाल राष्ट्रिय स्वतन्त्र विद्यार्थी युनियनबाट दिगाम आदर्श बहुमुखी क्याम्पसको स्ववियु अध्यक्षमा उषा पाण्डे निर्विरोध र रिडी बहुमुखी क्याम्पस स्ववियु अध्यक्षमा धनबहादुर कुमाल चुनावी प्रतिस्पर्धाबाट जम्मा खसेको १४ मतमा १० मत प्राप्त गरेर निर्वाचित हुनुभयो। 

अखिल क्रान्तिकारीबाट श्रृङ्गेश्वर बहुमुखी क्याम्पसको  स्ववियु अध्यक्षमा विशाल थापा चुनावी प्रतिस्पर्धाबाट जम्मा खसेको मत १०६ मतमा ६५ मत मतसहित निर्वाचित हुनुभयो।

यता, परमानन्द भण्डारी बहुमुखी क्याम्पस धुर्कोट र रुद्रावती बहुमुखी क्याम्पसमा निर्वाचन स्थगित भएको छ। परमानन्दमा उमेदवार मनोनयन कै क्रममा र रुद्रावतीमा मतदानको क्रममा विवादित भएपछि निर्वाचन स्थगित भएको हो।  

श्रृङ्गेश्वर बहुमुखी क्याम्पस रानिबासमा क्रान्तिकारी बिद्यार्थीको प्यानल नै बिजयी,अध्यक्षमा थापा

नागरिक अनलाइन

लेखकबाट थप

• बुधवार, चैत्र ६ २०८१०५:०६:२२

• Tags:

  # स्ववियु निर्वाचन # गुल्मी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा