बुटवल, चैत २ ।
बुटवलमा जारी प्रथम वडा स्तरीय मेयर कप नकआउट फुटबल प्रतियोगितामा वडा नं १९ विजयी भएको छ ।

बुटवल उपमहानगरपालिकाको संरक्षकत्व तथा आदर्श युवा क्लबको आयोजनामा शनिबार भएको खेलमा वडा नं ४ लाई २–० गोल अन्तरले पराजित गर्दै वडा नं. १९ दोस्रो चरणमा प्रवेश गरेको हो । 
रतनपुरको मुक्तिधाम खेलमैदानमा भएको खेलमा वडा न.. १९ को जितमा सरोज खनाल र रिसि सुनारी मगरले गोल गरे ।

खेलमा सरोज खनाल म्यान अफ दी म्याचबाट पुरस्कृत भए । 
यसैगरि शनिबार नै अर्को खेलमा वडा नं. ५ वाकओभर पाएर दोस्रो चरणमा प्रवेश गरेको क्लबका अध्यक्ष मनिष काफलेले बताए । 
प्रतियोगिताको उपाधि विजेताले नगद १ लाख १ हजार १ सय ११ रुपैया, कप, मेडल, प्रमाणपत्रबाट पुरस्कृत गरिने खेल संयोजक राजेन्द्र बुढाथोकीले बताए ।

यसैगरि उपविजेता टिमलाई नगद ५१ हजार १ सय ११ रुपैया कप, मेडल, प्रमाणपत्र तथा विधागत रुपमा उत्कृष्ट खेलाडीहरुलाई समेत पुरस्कृत गरिने उनले बताए ।

चैत ६ गतेसम्म संचालन हुने प्रतियोगितामा करीब ६ लाख खर्च हुने आयोजकको अनुमान छ । 
आईतबार पनि दुई वटा खेलहरु हुने छ । पहिलो खेलमा वडा नं. ३ र वडा नं. ८ तथा दोस्रो खेलमा वडा नं. ५ र वडा नं. १२ का बिचमा खेल हुने छ । 

नागरिक अनलाइन

लेखकबाट थप

• शनिवार, चैत्र २ २०८१०८:२५:३८

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...