बुटवल, फागुन २५ ।

बुटवलमा प्रथम वडा स्तरीय मेयर कप नकआउट फुटबल प्रतियोगिता हुने भएको छ । बुटवल उपमहानगरपालिकाको संरक्षकत्व तथा आदर्श युवा क्लबको आयोजनामा बुटवल उपमहानगरपालिका वडा नं १५, रतनपुरको मुक्तिधाम खेलमैदानमा फागुन २७ गतेबाट हुने भएको हो ।

आईतबार पत्रकार सम्मेलन गरि प्रतियोगिताको सम्पुर्ण तयारी पुरा भएको क्लवका अध्यक्ष मनिष काफलेले बताए । वडा नं १५ स्थित सृजना युवा क्लबको संरक्षणमा रहेको नया मैदानलाई प्रचारप्रसार र प्रवद्र्धन गर्ने गरि खेल प्रतियोगिता आयोजना गर्न लागेको उनले बताए। नगरका हरेक वडामा रहेका युवा खेलाडीहरुलाई प्लेटफर्म दिने गरि प्रतियोगिता आयोजना गर्न लागेको उनले बताए । प्रतियोगिता आयोजना गर्न बुटवल उपमहानगरपालिकाबाट ४ लाख रुपैया सहयोग भएको उनले बताए ।

प्रतियोगिताको उपाधि विजेताले नगद १ लाख १ हजार १ सय ११ रुपैया, कप, मेडल, प्रमाणपत्रबाट पुरस्कृत गरिने खेल संयोजक राजेन्द्र बुढाथोकीले बताए । यसैगरि उपविजेता टिमलाई नगद ५१ हजार १ सय ११ रुपैया कप, मेडल, प्रमाणपत्र तथा विधागत रुपमा उत्कृष्ट खेलाडीहरुलाई समेत पुरस्कृत गरिने उनले बताए । टिम निशुल्क दर्ताको ब्यवस्था गरिएको प्रतियोगितामा १९ वटा वडा सहभागी हुने उनले बताए । चैत ६ गतेसम्म संचालन हुने प्रतियोगितामा करीब ६ लाख खर्च हुने आयोजकको अनुमान छ ।

कार्यक्रममा बुटवल उपमहानगरपालिका वडा नं १५ का वडा सदस्य कुलप्रसाद लम्सालले वडामा रहेका खेल पुर्वाधारहरु संरक्षण गर्न आफुहरु लागेको र स्थानिय क्लबहरुलाई यसमा सहयोग गर्दै आएको उनले बताए । आफ्नो वडामा उजेलापुर, मधैया, सेमलार र मुक्तिधाम खेलमैदान गरि चार वटा पुर्वाधार रहेको र त्यसलाई संरक्षण गरिरहेको उनले बताए ।

कार्यक्रममा वडासचिव मेघराज काफ्ले, मुक्तिधाम टोल समितिका अध्यक्ष प्रेम प्रसाद पौडेल, मुक्तिधाम आमा समुहकी अध्यक्ष डम्बरादेवि शर्माले खेलबाट नै अब आफ्नो क्षेत्रको विकासमा लाग्नुपर्ने बताए । क्लब स्थापना भएसंगै रक्तदान, लागू औषध दुब्यसनी सम्बन्धि सचेतना, खेलकुद प्रतियोगिता, सेभेन ए साईड प्रतियोगिता लगायत गर्दै आएको उनले बताए ।

नागरिक अनलाइन

लेखकबाट थप

• आइतवार, फाल्गुण २५ २०८१०६:१५:४९

• Tags:

  # फुटबल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन