नवलपरासी,फागुन २४ ।

नवलपरासीको सुस्ता गाउँपालिका–३ सेख्वानामा आगलागी हुँदा तीन जना घाइते भएका छन् ।

आगलागीबाट सतारुल नेसा, निजामोदिन मियाँ र तैमुरदिन मियाँ घाइते भएका जिल्ला प्रहरी कार्यालय नवलपरासीका प्रहरी निरीक्षक (इन्स्पेक्टर) शिवकुमार क्षेत्रीले जानकारी दिनुभयो । उनीहरूको चौपत्ता सामुदायिक अस्पतालमा उपचार भैरहेको छ ।

निर्माणाधीन घरमा हिजो बिजुलीको मिटरबक्स शर्ट भई आगलागी भएको प्रहरीले जनाएको छ । आगलागीबाट पाँच जना दाजुभाइ इद्रिस अली, कासिम अलि, नुर मोहम्मद अलि, मोहम्मद शेख आलम मियाँ र अफताब अलीको घर जलेको इन्स्पेक्टर क्षेत्रीले बताउनुभयो ।

आगलागीबाट खाद्यान्न, लत्ताकपडा, फर्निचरका सामान, गरगहना तथा नगद गरी २७ लाख रुपैयाँभन्दा धेरैको क्षति भएको प्रहरीको प्रारम्भिक अनुमान छ । आगो बर्दघाट नगरपालिका र रामग्राम नगरपलिकाको दमकल तथा प्रहरी र स्थानीय बासिन्दाको सहयोगमा निभाइएको सुस्ता गाउँपालिका–३ का अध्यक्ष हरिलाल दुषाधले जानकारी दिनुभयो ।

नागरिक अनलाइन

लेखकबाट थप

• शनिवार, फाल्गुण २४ २०८११०:२०:२३

• Tags:

  # आगलागी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा