शनिवार, फाल्गुण १७ २०८१

पश्चिमाञ्चल यातायात व्यवसायी समितिका कार्यालय प्रमुख अधिकारीको बिदाइ,गैरेको स्वागत

नागरिक अनलाइन

1.1K

पश्चिमाञ्चल यातायात व्यवसायी समितिका कार्यालय प्रमुख अधिकारीको बिदाइ,गैरेको स्वागत

बुटवल,फागुन १७ ।

पश्चिमाञ्चल यातायात स्वतन्त्र कर्मचारी युनियनद्वारा पश्चिमाञ्चल यातायात व्यवसायी समितिका कार्यालय प्रमुख र दूर्घटनाका सहायकलाई विदाई गरेको छ भने नव नियुक्त कार्यालय प्रमुखलाई स्वागत गरेको छ ।

समितिमा लामो समयसम्म सेवा गरि सेवा निवृत हुनु भएका कार्यालय प्रमुख बावुराम अधिकारी र स्वच्छिक अबकास लिनु भएका दूर्घटनाका सहायक शिव क्षेत्रीलाई विदाई गरेको हो भने कार्यालय प्रमुखमा नियुक्ति हुनु भएका प्रकाश गैरेलाई स्वागत गरेको हो ।

स्वतन्त्र कर्मचारी युनियनका अध्यक्ष हिमत आचार्यको अध्यक्षतामा विदाई तथा स्वागत कार्यक्रम गरिएको हो । सो अवसरमा वोल्दै अधिकारी र क्षेत्रीले लामो समय सम्म संगै काम गरेका कर्मचारीवाट आयोजित सम्मान तथा विदाई समारोहले आफूलाई निक हर्षित तुल्याएको बताउनुभयो । अबका दिनमा कामका दौरानमा एकै स्थानमा नभए पनि आपसीसम्बन्ध सदा सदाका लागि रहि रहने प्रतिवद्धता व्यक्त गर्नु भयो ।

त्यस्तै नवनियुक्त कार्यालय प्रमुख गैरेले सबै कर्मचारी र संचालकहरुको भावनाको कदर गदै काम गर्ने प्रतिवद्धता व्यक्त गर्नुभयो । स्वतन्त्र कर्मचारी युनियनका अध्यक्ष हिमत आचार्यको सभापतित्वमा भएको कार्यक्रममा सचिव भूमिकला रानाले संचालन गर्नु भएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)