बुटवल,फागुन १७ ।

नेकपा माओवादी केन्द्रले हुलाकी राजमार्ग केन्द्रित ‘जनतासँग माओवादी जनजागरण अभियान’अन्तर्गत लुम्बिनी प्रदेशमा तयारी सुरु गरेको छ । फागुन २७ गते पश्चिम नवलपरासीबाट लुम्बिनी प्रदेशका तराईका ६ जिल्लामा कार्यक्रम गर्ने तयारी सुरु भएको छ ।

नवलपरासीमा फागुन २७ गते, रुपन्देहीमा २८ गते, कपिलवस्तुमा चैत २ गते, दाङमा ३ गते, बाँकेमा ४ गते र बर्दियामा ५ गते कार्यक्रम तोकिएको माओवादी लुम्बिनी प्रदेश अध्यक्ष सुदर्शन बरालले बताए । उनले जिल्लाहरूमा  रुट, बास तथा के–के कार्यक्रम गर्ने भन्नेमा प्रदेशले निर्देशन दिएको बताए । सोही अनुसार अहिले जिल्ला कमिटीले तयारी गरिरहेको उनले बताए ।

नवलपरासीको वर्दधाटमा स्वागत गर्ने, त्यसपछि सुस्ता जाने, पाली नन्दन गाउँपालिका र परासीमा कार्यक्रम गरेपछि साँझ  सुनवलमा  बास  बसाल्ने योजना रहेको उनले बताए ।

माओवादी केन्द्रको रुपन्देही जिल्ला कमिटी बैठक भोलि बसेर  रुपन्देही रुट तथा कार्यक्रम तय गर्ने बरालले  बताए । उनले अन्य जिल्ला कमिटीले अव बैठक बसेर कार्यक्रमहरूको निर्धारण गर्ने बताए । 

नागरिक अनलाइन

लेखकबाट थप

• शनिवार, फाल्गुण १७ २०८१०९:११:०८

• Tags:

  # सुदर्शन बराल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा