बुटवल,माघ ८ -

संसद विघटनको विरोधमा नेपाली कांग्रेसले देशभर आज वडास्तरिय बिराेध प्रदर्शन गर्दैछ । देशभरका ६ हजार ७ सय ४३ वडाहरुमा आज विरोध प्रदर्शन आयोजना गरिएको कांग्रेसले जनाएको छ ।

संसद विघटनको कदमलाई असंवैधानिक र अलोकतान्त्रिक ठहर गरेर नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा तथा माघ ३ गते ७५३ पालिकाहरुमा विरोध प्रदर्शन गरिसकेको छ । कांग्रेसले संसद विघटनलाई संविधानमा भएको ब्यवस्था प्रतिकुल र जनभावना विपरीतको कार्य भनेको छ ।

अब वडा स्तरीय प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन कांग्रेस सभापति शेरबहादुर देउवाले पार्टीका सबै कार्यकर्ता र लोकतन्त्रवादीहरुलाई अपील गरेका छन् ।

यता बुटवलको ट्राफिकचोकमा दिउसो २ बजे हुने बिरोधसभालाई सम्बोधन गर्न काँग्रेस युवा नेता गगन थापा आउँदैछन् ।

कार्यक्रमको सबै तयारी पूरा भएको काँग्रेस नगर सभापति खेलराज पाण्डेयले नागरिक अनलाइनलाइ बताए ।  सो कार्यक्रममा ब्यापक सहभागिता जनाउन सबैलाइ आग्रह गरिएको नगर सचिब ज्योति भण्डारीले जानकारी दिए । 

नागरिक अनलाइन

लेखकबाट थप

• बिहिवार, माघ ८ २०७७११:२६:१३

• Tags:

  # नेपाली कांग्रेस # गगन थापा

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन