बुटवल,माघ १८।

राष्ट्रिय स्वतन्त्र पार्टी(रास्वपा)ले पार्टी सभापति रवि लामिछानेको निलम्बन तत्काल फुकुवा नगरे कानुनी उपचार खोज्ने बताएको छ । शुक्रबार बसेको प्रतिनिधिसभा बैठकलाई सम्बोधन गर्दै पार्टी उपसभापति स्वर्णिम वाग्लेले यस्तो चेतावनी दिएका हुन् । 

वाग्लेले सभापति लामिछानेमाथि सिंगो राज्यशक्ति प्रतिशोध र पूर्वाग्रहका साथ खनिएको आरोप लगाए । उनले संवैधानिक व्यवस्थाको बेवास्ता गर्दै लामिछानेलाई निलम्बन गरिएको उल्लेख गर्दै उनले रास्वपाले यसको कानुनी निदान खोज्ने बताए । 'विश्वमा नै नयाँ शक्तिहरूलाई बेवास्ता गर्ने, खिसिट्युरी गर्ने,आक्रमण गर्ने र अस्तित्व स्विकार्ने चरणहरू हुँदा रहेछन् ।

हामी अहिले आक्रमणको चरणबाट गुज्रिरहेको महसुस भएको छ । तर चौथो चरण चाँडै नै आउँछ । त्यो भनेको अस्तित्वको स्वीकार्यता, प्रवेश,तेस्रो चरणबाट चौथो चरणमा जानेमा हामी पूर्ण विश्वस्त छौं,' उनले भने ।

सभापति लामिछानेको सांसद पद निलम्बन फुकुवा गर्न सभामुख देवराज घिमिरेलाई आग्रह गरिएको पनि उनले बताए । 'रवि लामिछानेमाथि सिंगो राज्यशक्ति प्रतिशोध र पूर्वाग्रहका साथ खनिएको छ ।

अदालतको विचाराधीन विषयमा म बोल्नुहुँदैन । म बोल्दिनँ । तत्कालीन राजाले बनाएको शाही आयोगको टार्गेटमा पर्नुभएका कतिपय नेताहरू आज पनि सक्रिय राजनीतिमा हुनुहुन्छ । नाम चलेका सबै नेताहरुलाई खोरमा हाल्ने तत्कालीन शाही आयोगलाई अदालतले खारेज गरेको त्यो न्यायिक साहस, त्यो आँटको अभ्यास भएको देश हो यो,' उनले भने ।

नागरिक अनलाइन

लेखकबाट थप

• शुक्रवार, माघ १८ २०८१०४:२८:००

• Tags:

  # रवि लामिछाने # डा‍. स्वर्णिम वाग्ले

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा