बुटवल,माघ १६ ।

पाल्पाको तिनाउ गाउँपालिकामा बुधबारदेखि छैटौं राष्ट्रपतिकप रनिङ्ग शिल्ड प्रतियोगीता सुरु भएको छ । तिनाउ–२ दोभान मावि खेलमैदानमा आयोजित प्रतियोगिताको उद्घाटन गर्दै गाउँपालिका अध्यक्ष प्रेम श्रेष्ठले विद्यालयस्तरबाट खेलकूदको गतिविधि सञ्चालन गरी राष्ट्रिय खेलाडी उत्पादन हुने बताए । 

गाउँपालिकाले तिनाउको शैक्षिक बिकाससँगै समग्र खेलकूदका बिकासका लागि मैदान निर्माण, खेलकूद सामग्री वितरण लगायतका गतिविधिलाई प्राथमिकता दिएको बताए ।

गाउँपालिका उपाध्यक्ष लालबहादुर थापाले खेलकूदले विद्यार्थीको स्वास्थ्य प्रवर्द्धनमा समेत टेवा पुग्ने उल्लेख गरे । विद्यालय तथा पालिका स्तरमा सञ्चालन गरिने खेलकूद गतिविधिबाटै राष्ट्रिय तथा अन्तर्राष्ट्रिय खेलाडी उपतपादन गर्न सकिने बताए । प्रतियोगितामा पालिकाका ९ विद्यालयबाट १४ विधामा प्रतिस्पर्धाका लागि सहभागी भएका छन् । 

३ दिन सम्म चल्ने प्रतियोगिताका विजेता विद्यार्थीहरुलाई कप, मेडल, प्रमाणपत्रबाट पुरस्कृत गरिने तिलोत्तमा माध्यमिक विद्यालय पाल्पाका शिक्षक विष्णु प्रसाद पाण्डेले बताए । प्रतियोगिताबाट विजेता खेलाडीहरु जिल्लास्तरीय प्रतियोगितामा छनौट हुने कार्यक्रममा सन्तोष शेरचनले बताए ।

नागरिक अनलाइन

लेखकबाट थप

• बुधवार, माघ १६ २०८१०८:३४:५१

• Tags:

  # राष्ट्रपति रनिङ शिल्ड

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...