काठमाडौं, पुस २९ ।

लेखक तथा साहित्यकार रामेश्वरी पन्तको कविता सङ्ग्रह ‘समयको कठघराबाट एक स्त्रीको बयान’ सार्वजनिक भएको छ ।

शनिवार नेपाल प्रज्ञाप्रतिष्ठानमा आयोजित कार्यक्रममा विशेष अदालतका मुख्य न्यायाधीश टेकनारायण कुँवरको प्रमुख आतिथ्यमा कवितासङ्ग्रहको लोकार्पण भएको हो ।

सो अवसरमा बोल्दै प्रमुख अतिथि कुँवरले ‘कवि रामेश्वरी पन्तको कविता बहुआयामिक रहेको र यसले विशेष गरि महिलाका आवाजलाई मुखरित गरेको छ भन्दै वास्तवमै महिला आफै बनेका होइनन् , समाजबाट महिला बनाइएका हुन् । पन्तका कविताले समाजको कठघरामा उभिएर महिलामाथि भएका सामाजिक , धार्मिक एवम साँस्कृतिक बिभेद विरुद्व खरो आवाज उठाउनुका साथै भ्रष्टाचार विरुद्ध पनि बोलेका छ’ भन्नुभयो ।

दायित्व वाङ्मय प्रतिष्ठानका अध्यक्ष रामप्रसाद पन्तको अध्यक्षतामा संचालित कार्यक्रममा समीक्षकद्वय वाल्मीकि क्याम्पसका प्राध्यापक डाक्टर लेखप्रसाद निरौला र एशियन कलेजमा प्राध्यापन गर्ने कवि भारती न्यौपानेले कवितामा समीक्षा गर्नुभएको थियो । प्राध्यापक निरौलाले ‘पन्तका कविताको विशालता बुझ्न सानो अध्ययनले नपुग्ने रहेछ । उहाँका कवितामा खरो बिद्रोह मात्र नभएर जीवनदर्शन, मातृत्व, मायाप्रेम र देशप्रतिको जिम्मेवारी उत्तिकै मुखरित भएको छ’ भन्नुभयो ।

जम्मा ६४ वटा कविता रहेको सो सङ्ग्रहको मूल्य रु ३ सय २५ रूपैयाँ रहेको छ । कार्यक्रम लेखक अनिता कोइरलाले सन्चलान गर्नुभएको थियो ।

नागरिक अनलाइन

लेखकबाट थप

• सोमवार, पौष २९ २०८११०:१०:३८

• Tags:

  # रामेश्वरी पन्त

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन