बुटवल,माघ २ -

‘लोकतन्त्र रक्षाका लागि नागरिक आन्दोलन’ रुपन्देहीले प्रतिनिधिसभा विघटन विरुद्ध शुक्रबार बुटवलमा मैनबत्ती जुलुस निकालेको छ ।

न्याय मर्न दिदैनौ भन्ने ब्यानर सहित हातमा मैनबत्ति बालेर प्रधानमन्त्री केपि शर्मा ओलीले असंवैधानिक कदमका विरुद्ध मैनबत्ति जुलुस निकालिएको हो । बुटवल मिलनचाेकदेखिशुरू भएको मैनबत्ती  जुलुस राजमार्ग चौराहामा आएर विरोधसभामा परिणत भएको थियो ।

कार्यक्रमलाई सम्बोधन गर्दै नागरिक आन्दोलन रुपन्देहीका संयोजक एंव मानव अधिकार तथा शान्ति समाजका केन्द्रीय उपसभापति गोविन्द खनालले प्रतिनिधिसभा विघटन गरेर प्रधानमन्त्रीले संविधानको हत्या गरेको टिप्पणी गरे । उनले प्रतिगमनको शिलशिलालाई प्रधानमन्त्री ओलीले निरन्तरता दिदा मूलूक फेरी द्धन्द्धतर्फ धकेलिएको  बताए ।

कार्यक्रममा राससका पूर्व अध्यक्ष बरिष्ठ पत्रकार बालकृष्ण चापागाईले यसअघि राजा र प्रधानमन्त्रीले सवैधानिक रुपमा कु गरेको तर, प्रधानमन्त्री केपि ओलीले असंवैधानिक रुपमा प्रतिनिधिसभा विघटन गरेको आरोप लगाए । उनले असंवैधानिक रुपमा गरिएको संसद विघटनले लोकतन्त्र र संविधानलाई नै संकटमा पारेकाले संसद पुनस्थापना नै अहिलेको आवश्यकता भएको बताए ।

नागरिक अगुवा पदम कार्कीले राष्ट्रपतिले संविधानको बर्को च्यातेपछि नागरिक समाजलाई जाडो बनाएकाले संसद पुनस्थापना नहुदासम्म सडक संघर्षमा उत्रने बताए ।

कार्यक्रममा प्राध्यापक डा. बुद्धबहादुर थापा, अधिवक्ता बाबृुराम पाण्डे, वुमन केयरकी अध्यक्ष रिता केसी,गुणाराम घिमिरेले राष्ट्रपतिले संविधानको बर्को च्यातेपछि नागरिक समाजलाई जाडो बनाएकाले संसद पुनस्थापना नहुदासम्म सडक संघर्षमा उत्रने बताए ।  मैनबत्ती जुलुसमा दुइदर्जन भन्दाबढी संस्थाको सहभागिता थियो ।

नागरिक अनलाइन

लेखकबाट थप

• शुक्रवार, माघ २ २०७७०२:४१:१४

• Tags:

  # मैनबत्ती जुलुस # नागरिक आन्दोलन

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...