बुटवल,पुस १ ।

नेपाल पत्रकार महासंघको अध्यक्षमा निर्मला शर्मा निर्वाचित भएकी छन् । पत्रकार महासंघको ७ दशकको इतिहासमामहासंघले पहिलोपल्ट महिला नेतृत्व पाएको हो । शर्माले १ हजारभन्दा बढी मतान्तरले पराजित गर्दै अध्यक्षमा चुनावजितेकी हुन् ।

महासंघको २७ औं महाधिवेशनअन्तर्गत नेपाल प्रेस युनियन र प्रेस चौतारी नेपालको संयुक्त व्यावसायिक प्यानलबाटउम्मेदवारी दिएकी शर्मा अध्यक्षमा निर्वाचित भएको आइतबार राति केन्द्रीय निर्वाचन समितिले घोषणा गरेको हो ।

शर्माले ४ हजार २८२ मत प्राप्त गरेकी छन् । उनका निकटतम् प्रतिद्वन्द्वी रमेश विष्टले ३ हजार २०३ हजार मत ल्याए ।विष्ट प्रेस युनियनबाट विद्रोह गरेर चुनाव लडेकोमा उनलाई प्रेस सेन्टर नेपाल, प्रेस युनियन असन्तुष्ट समूह लगायतसंगठनले साथ दिएका थिए ।

वरिष्ठ उपाध्यक्षमा शर्मा प्यानलबाटै दीपक आचार्य निर्वाचित भए । उनले ४२ सय ३० मत ल्याए । निकटतम प्रतिद्वन्द्वीरोशन पुरीले २ हजार ८८६ मत प्राप्त गरे ।

उपाध्यक्ष महिलातर्फ नितु पण्डित विजयी भएकी छन् । उनले ४ हजार ७०५ मत प्राप्त गरेकी छन् ।

समावेशी उपाध्यक्ष उमेद बागचन, महासचिव रामप्रसाद दाहाल, सचिव रमेश खतिवडा, महिला सचिव सोनी शर्मा, जनजाति सचिवमा सविन प्रियासन, मधेश सचिव अशोक तिवारी, दलित सचिव प्रकाश धौलाकोटी, एसोसिएटबैकुण्ठराज पराजुली र कोषाध्यक्ष रामकृष्ण अधिकारी निर्वाचित भएका छन् ।

महासंघको गत शुक्रबार केन्द्रीय समिति, १० प्रदेश समिति, ७६ जिल्ला शाखा र ४१ प्रतिष्ठान शाखाको नेतृत्व चयनकालागि निर्वाचन भएको हो । महासंघमा नयाँ नेतृत्वको कार्यकाल ३ वर्षको हुनेछ ।

नागरिक अनलाइन

लेखकबाट थप

• सोमवार, पौष १ २०८१०६:५२:०७

• Tags:

  # नेपाल पत्रकार महासंघ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा