बुटवल,मंसिर २४ ।

बुटवलमा नेपालका प्रथम सहिद लखन थापामगर स्मृतिमा पहिलोपटक भलिबल प्रतियोगिता हुने भएको छ । प्रतियोगिताको आयोजक नेपाल मगर युवा संघ बुटवल उपमहानगर वडा नं ७ इकाई समितिले बुटवलमा सोमबार पत्रकार सम्मेलन गरेर सो कुराको जानकारी दिएको हो ।

मगर समुदायको मौलिक पर्व मंसिर पूर्णिमा बाजेबजै पूजाको अवसर पारेर प्रतियोगिताको आयोजना गर्न लागिएको नेपाल मगर युवा संघ बुटवल उपमहानगर वडा नं ७ इकाई समितिका अध्यक्ष कुमार रानामगरले जानकारी दिनुभयो ।

क्लब स्तरीय प्रतियोगितामा प्रथम हुनेले तीस हजार, द्वितीय हुनेले बीस हजार, तृतीय हुने टिमले दश हजार र सान्त्वनाले पाँच हजार रुपैयाँ राशी सहित शिल्ड, मेडल र प्रमाण पत्र पाउने समितिका संरक्षक कृष्ण थापा झँेडि मगरले जानकारी दिनु भयो ।

सोह्र टिम सहभागी हुने प्रतियोगितामा उत्कृष्ट खेल प्रदर्शन गर्ने वेष्ट प्लेयर, स्पाइकर, डिफेन्सर लगायत छ वटा विधामा उत्कृष्ट हुने हरेक खेलाडीलाई नगद दुई हजार रुपैयाँले सम्मान गरिने आयोजकले जानकारी गराएको छ ।

आयोजकका अनुसार एफ। आई। भि। बि। नियम अनुसार खेलाईने भलिबल प्रतियोगिता सम्पन्न गर्नका लागि करिब ६ लाख रुपैयाँ खर्च लाग्ने अनुमान गरिएको छ । प्रतियोगिता २६ गतेबाट सुरु भएर ३० गते फाइनल खेल हुने आयोजकले जानकारी दिएको छ ।

सो अवसरमा नेपाल मगर संघ बुटवल उपमहानगर समितिका अध्यक्ष बसन्ती साठिघरे मगर, नेपाल मगर संघ बुटवल उपमहानगर वडा नं ७ इकाइ समितिका अध्यक्ष सूर्य गाहामगर, आयोजक समितिका सचिव सोनु रानामगर लगायतले बोल्नु भएको थियो ।

नागरिक अनलाइन

लेखकबाट थप

• सोमवार, मंसिर २४ २०८१०७:३८:३९

• Tags:

  # भलिबल प्रतियोगिता

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन