बुटवल,कार्तिक २७ ।

बुटवल  १२  नयागाउमा रहेको स्वामिनारायण मुक्तिनाथधाममा हरिबोधनी एकादशीमा अखण्ड संकृतन महासत्संग तथा महापुजा भएको छ ।

धाममा आयोजित कार्यक्रममा बुटवल उपमहानगरपालिकाका प्रमुख खेलराज पाण्डेयले धर्मले मानिसलाइ सहि मार्गमा लैजाने बताउनुभयो ।

सो अवसरमा प्रवचन दिदै धामका प्रमुख संरक्षक लोकानन्द स्वामिले धामको थप बिकासका लागि माघमा महायज्ञ आयोजना गरिएको बताउनुभयो ।उहाले दान,धर्म  सेवाका कारण मानिसको मुक्ति हुने उल्लेख गर्नुभयो ।

कार्यक्रममा बुटवल उपमहानगरपालिका वडा न १२ वडा अध्यक्ष डिल्लिप्रसाद शर्मा आचार्य,होटल तथा रेष्टुरेन्ट ब्यवसायी संघका अध्यक्ष लेखनाथ भण्डारी,धामका अध्यक्ष बाबुराम महत लगायतले बोल्नुभएको थियो ।

धाममा आज दिनभर भजनकृतन,होमन,तुलसी पुजन तथा बिबाह गरिएको हो । प्रत्येक वर्ष कार्तिक शुक्ल एकादशीका दिनमा भगवान् विष्णुको प्रतीकका रूपमा तुलसीको दामोदरसँग विवाह र विशेष पूजा गरी मनाइने हरिबोधिनी एकादशी पर्व आज मनाइँदैछ । आषाढ शुक्ल एकादशी अर्थात् हरिशयनी एकादशीका दिनमा क्षीरसागरमा सुतेका विष्णु ब्युँझिने भएकाले आजको एकादशीलाई हरिबोधिनी वा प्रवोधिनी एकादशी पनि भनिन्छ ।

हरिशयनी एकादशीका दिन घरघरमा रोपेर विशेष पूजा गरिएको तुलसीको मठमा गाईको गोबर र रातो माटोले पोतेर सिँगारी फूलमालाले सजाएर आज विवाह गरिन्छ ।

तुलसी विष्णुप्रिया भएकाले यस दिन तुलसीको दामोदरसँग विवाह गर्ने परम्परा बसेको हो । तुलसीको मठ नजिकै विष्णुको प्रतीकका रूपमा निगालाको लिङ्ग गाडेर विधिपूर्वक पूजा गरिन्छ । कार्तिक महिनाभर सबै देवदेवी तुलसीमै निवास गर्छन् भन्ने धार्मिक विश्वास छ ।

नागरिक अनलाइन

लेखकबाट थप

• मंगलवार, कार्तिक २७ २०८१०९:५१:२४

• Tags:

  # हरिबोधिनी एकादशी # मुक्तिनाथधाम # एकादशी

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...