बुटवल,२६ पुस-

लायन्स क्लब अफ बुटवल मुक्तिनाथले आज एक कार्यक्रमकाबीच गरीब तथा जेहेन्दार विद्यार्थीलाई न्यानो कपडा सहयोग गरेको छ ।

सामाजिक कार्यमा क्रियाशील  क्लबले बुटवल–१३,बदेलपोखरी स्थित श्री जितेश्वरी माध्यमिक बिद्यालयमा पुगेर आर्थिक अवस्था कमजोर रहेका ४२ जना विद्यार्थीहरुलाई स्वीटर प्रदान गरेको हो ।

बिद्यालयका केहि छात्रछात्राहरुको पारिवारिक आर्थिक अवस्था अत्यन्त कमजोर रहेको जानकारी सहित बिद्यालयवाट प्राप्त अनुरोध बमोजिम जाडो मौसममा बालबालिकाहरुलाई आवश्यक स्वीटर सहयोग गरिएको क्लबले जनाएको छ ।

लायन्स अन्तरास्ट्रियका संस्थापक मेल्बिन जोनको जन्मजयन्ती सप्ताहव्यापी रुपमा मनाउने क्रममा सो कार्यक्रम भएको हाे ।

लायन्स क्लब अफ बुटवल मुक्तिनाथका सदस्य इश्वर घिमिरेको सौजन्यमा कार्यक्रम सम्पन्न भएको क्लबका अध्यक्ष सुरेशचन्द्र भट्टराईले जानकारी गराउनुभयो ।

कार्यक्रममा प्रमुख अतिथि लायन्सका पुर्व गर्भनर महेन्द्रनारायण श्रेष्ठले मुक्तिनाथ लायन्स क्लब यो क्षेत्रको उदारणीय क्लब भएको बताउदै बिगत देखि आजसम्मका कामहरु नियाल्दा क्लब  अति सक्रिय देखिएको बताउनुभयो ।

क्लबका अध्यक्ष सुरेशचन्द्र भट्टराईको अध्यक्षतामा सम्पन्न कार्यक्रममा जोन चेयरपर्सन गणेशप्रसाद भट्टराई, बिद्यालयका प्रधानाध्यापक उपेन्द्र ज्ञवाली,क्लबका पुर्व अध्यक्ष रिखिराम भट्टराई ,कार्यक्रम संयोजक इश्वर घिमिरे लगायतले बोलेका  थिए ।

कार्यक्रमको संचालन सचिब गाेबिन्द बन्जाडेले गरेका  थिए ।

नागरिक अनलाइन

लेखकबाट थप

• आइतवार, पौष २६ २०७७०७:५२:३२

• Tags:

  # लायन्स # लायन्स क्लव

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा