पाेखरा,कात्तिक ८ ।

पूर्वगृहमन्त्री रवि लामिछाने र पूर्व प्रहरी नायब महानिरीक्षक छविलाल जोशीलाई म्याद थपका लागि कास्की जिल्ला अदालत ल्याइएको छ । राष्ट्रिय स्वतन्त्र पार्टीका सभापतिसमेत रहनुभएका लामिछाने र जोशीलाई जिल्ला प्रहरी कार्यालय कास्कीको हिरासतबाट म्याद थपका लागि अदालत ल्याइएको हो ।

कात्तिक २ गते पक्राउ पर्नुभएका लामिछानेलाई आइतबार अदालतले छ दिन हिरासतमा राखी अनुसन्धान गर्न अनुमति दिएको म्याद बुधबार सकिएको छ । असोज ६ गते पक्राउ पर्नुभएका जोशीको म्याद पनि बुधबारै सकिएको छ ।

गोरखा मिडिया प्रालिका पूर्वसञ्चालक उहाँहरु दुवैलाई एकैसाथ अदालतमा उपस्थित गराइएको हो । गोरखा मिडियामा पोखराको सूर्यदर्शनसहित देशका विभिन्न सहकारीबाट ६५ करोड रकम अवैधानिक रुपमा गएको संसदीय समितिको प्रतिवेदनमा उल्लेख छ । सूर्यदर्शनको मात्रै पाँच करोड ५८ लाख रकम गोरखा मिडियामा गएको विभिन्न प्रतिवदेनले देखाएका छन् ।

कास्कीका प्रहरी प्रमुख श्यामबाबु ओलियोले दुवै जनामाथि अनुसन्धान जारी रहेको र आज अदालतमा म्याद थपका लागि लगिएको उल्लेख गर्नुभयो । यसअघि भएको बयानमा लामिछानेले आफूले पोखराको सहकारीबाट ऋण नलिएको दाबी गर्नुभएको छ ।

सहकारीबारे संसदीय समितिको सिफारिसबमोजिम छानबिन गर्न लामिछाने र जोशीलाई पक्राउ गरिएको हो । लामिछाने सभापति रहेको राष्ट्रिय स्वतन्त्र पार्टी र सहकारी पीडित दुवैले प्रदर्शन गरिरहेकाले अहिले पोखराको सुरक्षा व्यवस्था कडा बनाइएको छ ।

नागरिक अनलाइन

लेखकबाट थप

• बिहिवार, कार्तिक ८ २०८१०२:१२:२३

• Tags:

  # सहकारी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा