बुटवल,पुस २६ ।

लुम्बिनी प्रदेश प्रहरी कार्यालय दाङले सार्वजनिक सवारी साधन र सार्वजनिक स्थानमा हुने यौनजन्य दुर्व्यवहार विरुद्ध विशेष अभियान (SAFETY PIN POLICE CAMPAIGN) थालेको छ ।

यौनजन्य दुर्व्यवहार विरुद्धको कार्यलाई नियन्त्रण गरी सुरक्षित, सभ्य र महिला तथा बालबालिकामैत्री वातावरणको सिर्जना गर्नका लागि यौनजन्य दुर्व्यवहार विरुद्धको विशेष अभियान थालिएकोलुम्बिनी प्रदेश प्रहरी कार्यालय दाङका प्रहरी बरीष्ठ उपरीक्षक राजकुमार बैदवारले नागरिक अनलाइनलाइ जानकारी दिए ।

उनले यसका लागि  यौनजन्य दुर्व्यवहार विरुद्धको  कार्ययोजना २०७७ संचालन गरिएको जानकारी दिए । तीन महिने (पुस-फागुन) अभियानले सार्वजनिक यातायातमा महिला तथा बालबालिकामैत्री वातावरण निर्माण गर्नेछ अपेक्षा गरिएको छ ।पुस १ गतेबाट संचालन भएको यो अभियानको पहिलो चरण अन्तर्गतको कार्यक्रम सकिएको र अब २४ गतेबाट दोस्रो र तेस्रो चरण अन्तर्गतका काम थालिएको बैदवारले नागरिक अनलाइनलाइ बताए  ।

अभियान अन्तर्गतलुम्बिनी प्रदेश ट्राप्रका बुटवल,जिल्ला प्रहरी कार्यालय १२, ईप्रका ९५, जिट्राप्रका१२ गरि जम्मा १२० प्रहरी युनिट बाट प्रत्येक महिना दुई वटा कार्यक्रम संचालन गरिने र अवधिभर जम्मा ७२० वटा कार्यक्रम संचालन गरिने प्रहरीले जनाएको छ ।

प्रहरीले संचालन गरेको (SAFETY PIN CAMPAIGN )मा सहभागि हुन र सार्वजनिक स्थान र सार्वजनिक सवारीसाधनमा हुने यौनजन्य दुर्व्यवहारमा पर्नु भएमा वा यौनजन्य दुर्व्यवहार भैरहेको देख्नु भएमा नजिकको प्रहरी कार्यालयमा खबर गर्न पनि प्रहरीको आग्रह छ ।   

कल्पना डुम्रे

लेखकबाट थप

• आइतवार, पौष २६ २०७७०४:४६:१५

• Tags:

  # यौनजन्य दुर्व्यवहार विरुद्ध # लुम्बिनी प्रदेश प्रहरी कार्यालय # यौन हिंसा # प्रहरी # SAFETY PIN POLICE CAMPAIGN

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा