बुटवल,असोज १३ ।

पाल्पाको अगाहाखोलादेखि काठमाडौंका लागि छुटेको बस सम्पर्कविहीन भएको छ ।

शुक्रबार राति छुटेको ग २ ख १५१३ नम्बरको बस सम्पर्कविहीन भएको हो ।अगाहाखोलाबाट स्याङ्जा–पोखरा हुँदै काठमाडौं आउन लागेको रात्री बसका चालक र सहचालकसँग सम्पर्कविहीन रहेको बसधनी विमल अर्यालले जानकारी गराए ।बसका चालक र सहचालक शुक्रबार मध्यरातदेखि बसका स्टाफसँग सम्पर्क हुन नसकेको अर्यालले बताए ।

‘चालकसहित तीनै जना स्टाफको मोबाइल अफ छ । गाडी भेटिएको छैन,’ अर्यालले भने,‘काठमाडौंमा सबैतिर सम्पर्क गरें गाडी नआएको जानकारी गराएका छन् ।’

मुग्लिङ कट्ने बेलासम्म गाडी चालकसँग सम्पर्क भएको र त्यसपछिको अवस्था अज्ञात रहेको अर्यालले जानकारी गराए ।अर्यालका अनुसार बसमा १८ देखि २० जना यात्रु रहेका थिए । उक्त बसका यात्रुहरुसँग पनि सम्पर्क हुन सकेको छैन ।

‘यात्रुका आफन्तले फोन गर्नुभएको थियो । मेरो पनि सम्पर्क नभएको उहाँहरुलाई बताएँ,’ अर्यालले भने ।

नागरिक अनलाइन

लेखकबाट थप

• आइतवार, आश्विन १३ २०८१०२:००:१३

• Tags:

  # बस

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग