बुटवल,साउन ९।

बाँकेकी निर्मलादेवी कुर्मीलाई अपहरण गरी बेपत्ता पारेको आरोप लागेका बादशाह कुर्मी लुम्बिनी प्रदेशको मन्त्री बनेका छन् ।

लुम्बिनी प्रदेशका नवनियुक्त मुख्यमन्त्री चेतनारायण आचार्य नेतृत्वको सरकारमा आरोपित कुर्मी मन्त्री बनेका हुन् । उनीसहित ८ जना बिनाविभागीय मन्त्रीले आज शपथ लिए । जानकी गाउँपालिका परस्पुरकी निर्मला कुर्मीलाई बादशाहकै निर्देशनमा अपहरण र बेपत्ता पारिएको भनी आफन्त र अधिकारकर्मी आन्दोलित छन् ।

सरकारी प्रतिवेदनबाट पनि बादशाह दोषी देखिएको दाबी उनीहरूले गरेका छन् । बादशाह नेपाली कांग्रेसका प्रदेश सांसद हुन् । २०७५ मा एकाएक हराएकी निर्मलाको जग्गा हत्याउन कुटपिट गर्ने र अपहरण गरी बेपत्ता पार्नेमा गृह मन्त्रालयको प्रतिवेदनले नै बादशाहको नाम उल्लेख गरेको छ ।

लुम्बिनी प्रदेशसभामा दुई ठूला दलको संयुक्त सरकार पहिलो पटक बनेको हो । एमालेका २९ र कांग्रेसका २७ जना सांसद छन् । एमालेबाट मुख्यमन्त्री आचार्य सहित ३ जना पुराना र दुई जना नयाँ छन् भने कांग्रेसबाट चार मध्ये तिन जना नयाँ अनुहारका हुन् ।

नागरिक अनलाइन

लेखकबाट थप

• बुधवार, श्रावण ९ २०८१०४:१४:५०

• Tags:

  # निर्मलादेवी कुर्मी # बादशाह कुर्मी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा