मंगलवार, श्रावण ८ २०८१

बुटवल-पाल्पा सडक खण्डको हिउँदे खोला नजिकै झन्डै ६० मिटर सडक भासियो

नागरिक अनलाइन

891

बुटवल-पाल्पा सडक खण्डको हिउँदे खोला नजिकै झन्डै ६० मिटर सडक भासियो

बुटवल,साउन ८ ।

सिद्धार्थ राजमार्ग अन्तर्गत बुटवल- पाल्पाखण्डको हिउँदे खोला नजिकै झन्डै ६० मिटर सडक भासिएको छ । तिनाउ गाउँपालिका-५ हिउँदेखोलामा निरन्तरको वर्षाले सडक भासिएको सडक डिभिजन कार्यालय पाल्पाले जनाएको छ ।

यही खण्डमा दुई वर्ष अघि पनि सडक भासिदा यात्रुले हप्ता दश दिन सास्ती भोग्नु परेको थियो । अहिले पुन सडक भासिदा यात्रु र सवारी जोखिम मोलेरै यात्रा गर्न बाध्य छन् ।

भासिएको खण्डको दीर्घकालिन समस्या समाधनको लागि राज्यले ध्यान नदिंदा पुनः समस्या भोग्नु परेको यात्रुको गुनासो छ । यस खडक भएर दैनिक चार हजार बढी साना ठुला सवारी आवतजावत गर्दै आएका छन ।

तल्लो भागमा रिटेनिङ वाल लगाएको र माथिल्लो भागमा सडक चौडा गरेको भए पनि सडक भासिएको सडक डिभिजन कार्यालय पाल्पाका प्रमुख बाबुराम सापकोटाले जानकारी दिनुभयो ।सडकको तल्लो भाग भासिने र माथिल्लो भागबाट पहिरोको जोखिम रहेकोले सावधानि अपनाएर मात्र यात्रा गर्न जिल्ला प्रहरी कार्यालय पाल्पाले अनुरोध गरेको छ ।

ठुला सवारी सञ्चालन गर्दा अझ सडक भासिएर जोखिम निम्तीन सक्ने भएकोले अहिले डाइभर्सन निर्माण गरिएको पाल्पाका प्रमुख जिल्ला अधिकारी आनन्द काफ्लेले बताउनुभयो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)