गुल्मी,असार १७ ।

गुल्मीमा गत वर्षको तुलनमा यस वर्ष लिची उत्पादनमा कमी आएको छ । गत वर्षभन्दा यस वर्ष झण्डै १७ प्रतिशतले लिची उत्पादन कमी आएको कृषि ज्ञान केन्द्र गुल्मीले जनाएको छ ।

यस वर्ष गुल्मीमा पाँच सय ३७ मेट्रिक टन लिची उत्पादन भएको छ भने गत वर्ष ६९७ मेट्रिक टन लिची उत्पादन भएको कृषि ज्ञान केन्द्र गुल्मीका प्रमुख नवराज भण्डारीले जानकारी दिनुभयो । लिची उत्पादनको कमी हुनुमा यसवर्ष लामो खडेरी पर्नु मुख्य कारण रहेको उहाँको भनाइ छ । 

यस वर्ष एक करोड चार लाख रुपियाँको लिची उत्पादन भएको अनुमान कृषि ज्ञानकेन्द्र गुल्मीले गरेको छ । वि सं १९९१ सालमा रूरूका स्वर्गीय डिल्लीराम ज्ञवालीले भारतको कलकत्ताबाट लिचीको बिरुवा ल्याएर रोपेपछी गुल्मीमा लिची खेतीको सुरुवात भएको कृषि ज्ञान केन्द्रले जनाएको छ ।

हाल रुरुक्षेत्र गाउँपालिका १ र ३ मा व्यवसायीक रुपमा खेती हुँदै आएको छ । त्यस स्थानमा १० देखि एक सय बिरुवासम्म लगाई व्यवसायीक खेती कृषकले गर्दै आएका छन् । जिल्लामा एक सय ४३ जना कृषकले एक सय ८९ हेक्टर क्षेत्रफलमा लिची खेती गर्दै आएका छन् । अहिले यसक्षेत्रमा उत्पादन भएको लिची किसानले न्यूनतम प्रतिकेजी एक सय रुपियाँदेखि एक सय ५० सम्म बिक्री गर्दै आएका छन् ।

पछिल्लो समय रेसुङगा नगरपालिकाको सेउघा, सत्यवती, चन्द्रकोटका केही स्थानहरुमा बिरुवा रोपण गर्न थालेको स्थानीयहरुले जनाएका छन् । लिची खेती विशेषगरी गर्मी हुने स्थानहरुमा हुने गर्दछ ।

नागरिक अनलाइन

लेखकबाट थप

• सोमवार, आषाढ १७ २०८१०१:४०:५९

• Tags:

  # लिची # लिची उत्पादन # कृषि ज्ञान केन्द्र गुल्मी # रूरूक्षेत्र गांउपालिका

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा