काठमाडौं, असार १३ ।
आइसिसी टी-२० विश्वकपको सेमिफाइनलमा अफगानिस्तान ५६ रनमै अल आउट भएको छ।बिहीबारदेखि सुरू भएको सेमिफाइनलको पहिलो खेलमा दक्षिण अफ्रिकाविरूद्धविरूद्ध अफगानिस्तान ११.५ ओभर खेलेर ५६ रनमा समेटिएको हो।

अफगानिस्तानले आज बनाएको योगफल टी-२० विश्वकपको सेमिफाइनल खेलमा बनेको अहिलेसम्मको कम योगफल हो।उक्त योगफल अफगानिस्तानले टी-२० विश्वकपमा बनाएको अहिलेसम्मकै कम योगफल पनि हो।

अफगानिस्तानलाई ५६ रनमा अल आउट गर्न दक्षिण अफ्रिकाका मार्को जनसेन र तबरेज शम्शीले ३/३ विकेट लिए। कगिशो रबाडा र एनरिच नोर्त्जीले २/२ विकेट लिए।टस जितेर ब्याटिङ रोजेको अफगानिस्तानका लागि अजमत उल्लाह ओमरजइले बनाएको १० रन सर्वाधिक रह्यो।

रहमानउल्लाह गुर्बाज, मोहम्मद नाबी र नूर अहमद शून्यमा आउट भए। इब्राहिम जद्रान २ रन, गुलबदिन नइब ९ रन, नागियालीया खरोते ८ रनमा, करिम जनत ८ रन, रसिद खान ८ रन र नवीन उल हक २ रनमा आउट भए। अफगानिस्तानविरूद्ध जित निकाल्न सकेको अवस्थामा दक्षिण अफ्रिका पहिलो पटक फाइनल पुग्नेछ।

नागरिक अनलाइन

लेखकबाट थप

• बिहिवार, आषाढ १३ २०८११०:२१:३८

• Tags:

  # टी-२० विश्वकप

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा