वुटवल,पुस १९-

रुपन्देहीमा वुमन केयर नेपाल संस्थाको शुभारम्भ गरिएको छ । महिलाको हक अधिकारमा काम गर्ने संस्थाको बुटवलमा एक समारोहका बिच मानव अधिकारबादी नेता कृष्ण पहाडी शुभारम्भ गरे । सो अवसरमा बोल्दै उनले प्रधानमन्त्री केपी शर्मा ओलीको सनक र धुन्धुकारी प्रवृत्तिका कारण प्रतिनिधिसभा विघटन भएको बताए । 

प्रतिनिधि सभा विघटनको घटनाले संविधान लिक बााहिर गएको र नेपाल अराजकता र गृहयुद्धको संघारमा पुगेको  पहाडीले औंल्याए ।  प्रतिनिधि सभा पुनर्स्थापना भए मात्रै संविधान लिकमा आउने तर्क गर्दै पहाडीले अन्यथा अर्को खिरलाज रेग्मीको जन्म हुने र उसले पनि चुनाव गर्न नसक्ने दावी गरे ।

कार्यक्रममा प्रदेश सांसद रमा अर्याल, पुष्पा थरुनी,मानव अधिकार तथा शान्ति समाजका सभापति उत्तम पुडासैनी, केन्द्रीय वरिष्ठ उपसभापति गोविन्द खनाल लगायतले प्रतिनिधिसभा विघटनले नागरिकको आवाज र अधिकार समेत कुण्ठित भएकाले पुनस्थापनाका लागि सशक्त जनदवावको खांचो औंल्याए ।

वुमन केयर नेपाल रुपन्देही अध्यक्ष रीता केसीको सभापतित्वमा सम्पन्न कार्यक्रममा संस्थाका सल्लाहकार रमा खड्का,सुमित्रा न्यौपाने,राममाया पौडेल,सचिब मीना जिसी लगायतले महिलाहरु चुलो चौकोभन्दा माथि उठेर अधिकार प्राप्तिका लागि अगाडी बढ्नुपर्नेमा जोड दिएका थिए ।

नागरिक अनलाइन

लेखकबाट थप

• आइतवार, पौष १९ २०७७०९:११:१४

• Tags:

  # कृष्ण पहाडी # वुमन केयर नेपाल

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग