बुटवल,जेठ २७ ।

यु–१५ राष्ट्रीय टेवल टेनिस प्रतियोगितामा सहभागी हुने खेलाडीहरुका लागि  बुटवलमा ३ दिने प्रशिक्षण शुरु भएको छ ।लुम्बिनी प्रदेश टेवल टेनिस संघद्वारा आयोजना गरिएको बन्द प्रशिक्षणमा लुम्बिनी प्रदेशबाट छानिएर आएका ८ जना खेलाडी छन् ।

उनीहरुले अब पोखरामा हुने यु–१५ राष्ट्रीय टेवल टेनिस प्रतियोगिताको फाइनलमा सहभागिता जनाउनेछन् । देशका ७ प्रदेशबाट छानिएकाहरुको फाइनल खेल पोखरामा जेठको ३०,३१ र ३२ गते हुनेछ ।

लुम्बिनी प्रदेश टेवल टेनिस संघका कार्यबाहक अध्यक्ष तथा सचिव  रमेश न्यौपानेको अध्यक्षतामा भएको तालिम उद्घाटन समारोहमा प्रमुख अतिथि लुम्बिनी प्रदेश सभा सदस्य जमुना ढकालले खेल र खेलाडीको बिकासका लागि आफु सदैव लागिरहेको बताउनुभयो । उहाँले खेलक्षेत्रको बिकासका लागि आफ्नो कोषबाट सक्दो सहयोग गर्ने प्रतिबद्धता जनाउनुभयो ।

उहाँले आवश्यक बजेट माग गर्नका लागि समितिलाइ प्रस्तावना सहित आउन पनि आग्रह गर्नुभयो । सो अबसरमा  बुटवल उपमहानगरपालिका वडा नं ३ का अध्यक्ष बिष्णु ढकाल, जिल्ला संघका संस्थापक अध्यक्ष कृष्ण कुमार श्रेष्ठ, जिल्ला अध्यक्ष नर बहादुर क्षेत्री ,महेश खनाल, प्रज्वल श्रेष्ठ लगायतले बोल्नुभएको थियो । ३ दिने प्रशिक्षण बुटवल टेवल टेनिस एकेडेमी देबीनगरमा भैरहेको खेल प्रशिक्षक कपिल थापाले बताउनुभयो ।

नागरिक अनलाइन

लेखकबाट थप

• आइतवार, जेठ २७ २०८१०२:११:०१

• Tags:

  # यु–१५ राष्ट्रीय टेवल टेनिस प्रतियोगिता

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा