बुटवल,पुस १७- 

राष्ट्रिय सभाको हिउँदे अधिवेशन आजदेखि सुरू हुँदैछ। आज अपरान्ह ४ बजे राष्ट्रिय सभा बैठक बस्न लागेको हाे ।सरकारको सिफारिसमा राष्ट्रपति विद्यादेवी भण्डारीले राष्ट्रिय सभाको हिउँदे अधिवेशन आह्वान गरेकी थिइन्।  प्रतिनिधिसभा भंग भएपछि पहिलोपटक आज राष्ट्रिय सभा बैठक बस्न लागेको हो।

प्रधानमन्त्री केपी शर्मा ओलीले गत पुस ५ गते प्रतिनिधि सभा भंग गरेका थिए। उक्त कदम असंवैधानिक भन्दै विरोध भइरहेको छ। यसबारे सर्वोच्च अदालतमा मुद्दा विचाराधीन छ।

बिहीबार बसेको कार्यव्यवस्था परामर्श समितिले आज बस्ने बैठकका लागि कार्यसूची पनि बनाएको छ। सुरूमा अधिवेशन सुरू भएको राष्ट्रपति कार्यालयले पठाएको जानकारीको पत्र पढेर सुनाइन्छ।

त्यसपछि दलका नेताहरूलाई बोल्न समय दिइने बताइएको छ।राष्ट्रिय सभामा प्रतिनिधि सभा विघटनको मुद्दा उठ्ने सम्भावना छ। तर सर्वोच्चमा विचाराधीन मुद्दाबारे सांसदले बोले आफूले रूलिङ गर्ने अध्यक्ष गणेश तिमिल्सिनाले बताएका छन्।

नागरिक अनलाइन

लेखकबाट थप

• शुक्रवार, पौष १७ २०७७११:५२:००

• Tags:

  # राष्ट्रिय सभा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा