विराटनगर,वैशाख २६।

कोशी प्रदेशमा सत्ता गठबन्धनमा रहेका दलहरु नेकपा एमाले र नेकपा माओवादी केन्द्रले नयाँ सरकार गठनको प्रक्रिया सुरू गर्न माग गरेका छन् । बुधबार प्रदेश प्रमुखलाई भेटेर अहिले प्रदेश सरकार विहीनताको अवस्था सिर्जना भएको दाबी गर्दै उनीहरुले नयाँ सरकार गठनको प्रक्रिया थाल्न आग्रह गरेका हुन्।

संविधानको व्यवस्थाबमोजिम मुख्यमन्त्रीले अल्पमतमा परेको ३० दिनसम्म पनि विश्वासको मत नलिएकाले सरकार विहीनताको अवस्था सिर्जना भएको उनीहरुको दाबी छ ।

उनीहरुले बुधबारै प्रमुख सभा सचिवालयलाई निवेदन लेख्दै वैशाख ६ र ७ गते बसेको प्रदेशसभाको विशेष अधिवेशनको निर्णयहरु कार्यान्वयनको अवस्थाबारे प्रदेश प्रमुखलाई जानकारी गराउन र कार्यान्वयन भएरनभएकोबारे आफूहरुलाई समेत जानकारी दिन माग गरेका थिए ।

त्यसलगत्तै उनीहरुले प्रदेश प्रमुख पर्शुराम खापुङलाई भेटेर नयाँ सरकार गठनका लागि प्रक्रिया थाल्न माग गरेका हुन् ।पत्र बुझ्दै प्रदेश प्रमुख खापुङले आफू संविधान, ऐन र कानुन अनुसार अघि बढ्ने बताए ।  एमाले र माओवादीले चैत २६ गते मुख्यमन्त्री केदार कार्कीलाई दिएको समर्थन फिर्ता लिएका थिए ।

नागरिक अनलाइन

लेखकबाट थप

• बुधवार, बैशाख २६ २०८१०५:१४:४०

• Tags:

  # कोशी प्रदेश

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन