बुटवल,बैसाख २४  ।

गोरखापत्रले जनताको एजेण्डा बोक्नुपर्नेमा एक कार्यक्रममा जोड दिइएको छ । गोरखापत्र प्रकाशनको १२४ औं वर्ष प्रवेश तथा संस्थानको ६२ औं वार्षिकोत्सवको अवसरमा बुटवलमा प्रदेश स्तरिय कार्यालयद्वारा आयोजित शुभकामना आदानप्रदान कार्यक्रममा बोल्ने बक्ताहरुले गोरखापत्रलाई नागरिकप्रतिको जवाफदेहितालाई सदैव ख्याल राख्न आग्रह गर्नुभयो । 

नेपाली पत्रकारिता,भाषा र साहित्यको संरक्षण र सम्वद्र्धनमा यसको भूमिका अहम रहेको स्मरण गर्दै समयानुकुल परिमार्जन गर्दै लैजानुपर्नेमा उहाँहरुको जोड थियो ।कार्यक्रममा बोल्दै नेपाल पत्रकार महासंघ रुपन्देहीका अध्यक्ष रामराज पोखरेलले नेपाली पत्रकारिताको पाठशालालाई अझै बलियो बनाउनुपर्ने बताउनुभयो ।

उहाँले गोरखापत्रले प्रकाशन गर्ने हरेक संस्करणहरु पठनीय हुने भन्दै सरकारको पक्षमा मात्रै नभइ जनताको एजेण्डामा केन्द्रित हुनुपर्ने बताउनुभयो । ‘पत्रकारिता मासिदै छ,पत्रकार बढेका बढ्यै छन् ,समाजले हेर्ने दृष्टिकोण बदल्नका लागि पत्रकार पनि सच्चिनुपर्छ,इथिक्समा रहेर काम गर्नुपर्छ । ’ उहाँको भनाइ छ ।

बुटवल उद्योग बाणिज्य संघका अध्यक्ष हरि अर्यालले गोरखापत्रको इतिहास नै काफि भएको भन्दै बर्तमान र भविश्यसम्म त्यसलाई जोगाउदै अगाडि बढ्नुपर्ने बताउनुभयो । उहाँले यसका हरेक प्रकाशनले सबै भाषाभाषीमा समेत यसको पहुँच पुगेको बताउनुभयो ।बुटवलको बिकासलाइ अगाडि बढाउन कलम चलाइदिन उहाँको आग्रह छ । युवा पलायन रोक्न नसके मानवबस्ती रहित समाज बन्ने उहाँको चिन्ता छ  ।

होटल तथा रेष्टुरेन्ट ब्यवसायी महासंघका संस्थापक अध्यक्ष माधव नेपालले समाजलाइ संस्कारयुक्त बनाउनुपर्नेमा जोड दिनुभयो । निरासाजनक बन्दै गइरहेको भन्दै सामाजिक बिकृती चिर्नका लागि अनुरोध गर्नुभयो । भैरहवामा निर्माण सम्पन्न अन्तराष्ट्रिय बिमानस्थल चाडै पूर्ण क्षमतामा चलाउन सम्बन्धित निकायको ध्यानाकर्षण गराउनुभयो । पत्रकारका कलमले जस्ताको तस्तै लेखेर समाज बदल्न आवश्यक रहेको उहाँको निश्कर्ष थियो ।

रुपन्देही उद्योग संघका अध्यक्ष दिलिप सापकोटाले बुटवललाइ चलायमान बनाउनुपर्ने भन्दै ब्यबसायीको अरबौ रकम डुब्ने अवस्था आउनसक्ने चिन्ता गर्नुभयो । उहाँले बुटवलको बिकासलाइ फरक ढंगले अगाडी बढाउनुपर्ने र उद्योग तथा पर्यटन क्षेत्रको बिकासमा हातेमालो गर्नुपर्ने बताउनुभयो ।

कार्यक्रममा बोल्दै होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले जनताका समाचार,ओझेलमा परेका बिषयबस्तुलाइ अगाडि बढाइदिन आग्रह गर्नुभयो । लगानी सुरक्षित बनाउन बुटवललाइ थप चलायमान र रात्रीकालिन बजार चलाउने वातावरण बनाउन मिडियाको भूमिका रहने उल्लेख गर्नुभयो ।

प्रदेश संयोजक भुवन कार्कीको अध्यक्षता,सिद्धार्थनगर समाचारदाता कपिल ज्ञवालीको संचालन,बुटवल समाचारदाता छवि पाण्डेको स्वागत तथा भैरहवा समाचारदाता लक्ष्मण पौडेलको धन्यबाद ज्ञापनमा कार्यक्रम सम्पन्न भएको हो । 
सुधारवादी शासकको रुपमा चिनिएका तत्कालिन श्री ३ देवशम्शेरले प्रकाशन प्रारम्भ गरेको ‘गोर्खापत्र’ साप्ताहिकको रुपमा पहिलो पटक वि. सं. १९५८ साल वैशाख २४ गते प्रकाशित भएपछि नेपाली पत्रकारिताको जग शुरु भएको हो ।

नागरिक अनलाइन

लेखकबाट थप

• सोमवार, बैशाख २४ २०८१०४:४७:०९

• Tags:

  # गोरखापत्र संस्थान # गोरखापत्र

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग