बुटवल,बैसाख १६ ।

चलचित्र सेतीबेणी यहि बैशाख २९ गतेदेखि प्रदर्शनमा आउने भएको छ । निर्माण युनिटले चलचित्रबारे जानकारी दिन शनिबार बुटवलमा आयोजना गरेको पत्रकार सम्मेलनमा प्रदर्शन मिति सार्वजनिक गरेको हो ।
बाबुराम घिमिरेको कथा लेखन तथा निर्देशनमा तयार भएको सामाजिक विषयवस्तुसहितको चलचित्र विश्वकै प्रसिद्ध धार्मिक स्थलको रूपमा परिचित सेतीवेणी र त्यहाँ रहेको विश्वकै ठूलो शिला शालिग्रामको धार्मिक, सामाजिक र साँस्कृतीक महत्वलाई समेटर निमार्ण भएको छ ।

चलचित्र बैशाख २९ गते बिहान ९ बजे बुटवलको मिलन चलचित्र हलमा पहिलो प्रदर्शन गर्ने तयारी गरीएको छ ।  मोफसलमा बसेर कलाकारीताका क्षेत्रमा काम गरीरहँदा समाजमा केही नयाँ काम गरौँ भन्ने उद्देश्यले यो चलचित्र निर्माण गरीएको निर्देशक घिमिरेले बताउनु भयो । धार्मिक आस्थाको केन्द्र, पर्यटकीय र ऐतिहासिक केन्द्र शिला शालिग्रामको अस्तित्वको संरक्षण, प्रचारप्रसार र विकास गर्न यो चलचित्रले महत्वपूर्ण भुमिका खेल्ने उहाँले बताउनु भयो  ।

बालबालिका देखि बृद्धबृद्धासम्म सबैले हेर्नैपर्ने चलचित्र बनेको दावि गर्दै निर्देशक घिमिरेले चलचित्र बोर्डबाट सेन्सर पास भइसकेको बताउनु भयो ।आन्तरिक तथा बाह्य पर्यटनको समेत महत्व बोकेको शिला शालिग्राम र सेतिबेणी क्षेत्रको महत्वलाई यो चलचित्रले प्राथमीकता दिएर प्रस्तुत गरेको सह निर्माता लक्ष्मी क्षत्रीले बताउनु भयो ।

चलचित्र स्याङ्जा, पर्वत, गुल्मी र पाल्पाका बिभिन्न ठाउँमा छायांकन गरीएको छ । चलचित्रमा युनिक पोखरेल निर्माता तथा लक्ष्मी क्षेत्री सह निर्माता रहेका छन्  चलचित्रको सह निर्देशक कमल बहादुर गुरुङ हुन् भने  चलचित्रमा नायक कृष्णप्रसाद खनाल र नायिका सम्झना सुबेदीको मुख्य अभिनय रहेको छ भने मनप्रसाद सुवेदी, सान्तराम गिरी, हरिहर श्रेष्ठ, मणिरत्न भण्डारी, जोखबहादुर खत्रि लगायतका कलाकारले अभिनय गरेका छन् ।

नागरिक अनलाइन

लेखकबाट थप

• आइतवार, बैशाख १६ २०८१०६:१३:५४

• Tags:

  # सेतीबेणी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा