बुटवल,चैत्र ५ ।

गुल्मीको रूरू क्षेत्र गाउँपालिकाका बासिन्दाले अबदेखि नि:शुल्क रगत पाउने भएका छन्  ।नेपाल रेडक्रस सोसाइटी, रक्तसंचार सेवा केन्द्र रुपन्देही र रूरू क्षेत्र गाउँपालिका गुल्मीबिच रूरूबासीलाइ नि:शुल्क रगत उपलब्ध गर्ने गरि सोमबार बुटवलमा सम्झौतापत्रमा हस्ताक्षर भएको हो ।

बुटवल स्थित रक्त सञ्चार केन्द्रमा आयोजित एक कार्यक्रमका बिच रूरूक्षेत्र गाउपालिका अध्यक्ष यदु ज्ञवाली र स्वास्थ्य शाखा अधिकृत छत्र बहादुर अधिकारी रेडक्रस सोसाइटी रुपन्देही शाखाका सभापति दिपक क्षेत्री न्यौपाने र सदस्य सचिव राधा ज्ञवालीका बिचमा सम्झौतापत्रहस्ताक्षर पछि हस्तान्तरण समेत भएको छ । गुल्मीमा यसअघि छत्रकोेट र दोस्रो पालिकाका रुपमा रूरूक्षेत्र गाउँपालिकाले निशुल्क रगत पाउने गरि सम्झौता भएको हो ।

कार्यक्रममा रूरूक्षेत्र गाउपालिका अध्यक्ष यदु ज्ञवालीले रूरूका बासिन्दालाई पायक पर्ने क्षेत्रका रुपमा रुपन्देही भएको भन्दै यहाँ आउने सेवाग्राहीलाई लक्षित गरि सेवाको भावनाका साथ काम अघि बढाएको बताए ।

विपन्न नागरिकहरु जो सेवा लिन आउदा सहज रुपमा रगत उपलब्ध गराउने गरि समन्वयकारी भूमिका खेल्न सुझाव दिए । पालिकाबाट निरन्तर स्थानिय बासिन्दाहरुको स्वस्थ्यको क्षेत्रमा विविध काम गर्दै आएको उनले बताए । स्थानिय सरकार जनताको ससाना आवश्यकता पूरा गर्ने गरि अभियानमा आफू लागेको उनले बताए । मासिक रुपमा रगत उपलब्ध गराएको रिपोर्ट पठाउने र त्यसवापत भुक्तानी हुँदै आएको उनले बताए ।

रुपन्देही शाखाका सभापति दिपक क्षेत्री न्यौपानेले निरन्तर रगतको अभाव आउने गरेको बताए । ३५ हजार युनिट वितरण गरेको भन्दै उनले यो प्रत्येक वर्ष रगतको माग बढ्दो रहेको बताए । पालिकाको परिचयपत्रको आधारमा निशुल्क रगत उपलब्ध गराउदै आएको उनले बताए । रगत ब्यवस्थापन चुनौतीको विषय भएको उनले बताए ।  

गुल्मी छत्रकोट गाउपालिका ४ महिनाअघि सम्झौता भएको केन्द्रका सदस्य सचिव राधा ज्ञवालीले बताईन् । केन्द्रबाट ७ जिल्लाबाट सेवा लिन आउने बताईन । ब्लड बैँकबाट मासिक २४ सय युनिट रगत खपत हुँदै आएको छ । यसैगरि २१ सय संकलन हुदै आएको उनले बताईन् । लुम्बिनी प्रदेश सरकारले प्रदेशबासीलाई निशुल्क रगत घोषणा गरेको छ जसले गर्दा सरकारी अस्पतालमा सेवा लिने विरामीहरुलाई सहज भएको छ ।

लुम्बिनी प्रदेशका केही स्थानिय सरकारहरु आफनो बासिन्दाहरुलाई नि:शुल्क रगत उपलब्ध गराउने अभियानमा लागेका छन । स्वस्थ्य जस्तो संवेदनशिल विषयमा स्थानिय सरकारको यो कार्यले नीजि र सामुदायिक अस्पतालमा उपचार गर्ने विरामीहरुलाई रगत उपलब्धतामा राहत मिलेको छ ।

नेपाल रेडक्रस सोसाईटी रक्त सेवा संचार केन्द्र बुटवलमा रुपन्देहीको सैनामैना बाहेक सबै पालिका, कपिलवस्तुको ६ पालिकाले निशुल्क रगत उपलब्ध गराउने गरि सम्झौता गरेको छ । अर्घाखाँचीको सन्धिखर्क नगरपालिकामा पनि रगत निशुल्क उपलब्ध छ ।

नागरिक अनलाइन

लेखकबाट थप

• सोमवार, चैत्र ५ २०८००६:४९:०१

• Tags:

  # रूरूक्षेत्र गांउपालिका # रगत नि:शुल्क

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा