सिद्धार्थ गौतम बुद्धमा क्रिकेट,भलिवल ,बास्केटबल तथा कुर्सीदौड प्रतियोगिता सम्पन्न

बुटवल, चैत २ ।

सिद्धार्थ गौतम बुद्ध क्याम्पस बुटवलले ३२ औं बार्षिकउत्सबको अवसरमा आयोजित क्रिकेट,भलिवल ,बास्केटबल तथा कुर्सीदौड प्रतियोगिता सम्पन्न भएका छन् ।

आज भएका फाइनल खेल रोमाञ्चक भएका थिए ।सो अबसरमा बोल्दै क्याम्पस प्रमुख कृष्णप्रसाद शर्माले क्याम्पसलाइ शैक्षिक क्षेत्रको धरोहरका रुपमा सिद्धार्थ क्याम्पसको बिकास गर्ने बताउनुभयो ।

पाँच टीम सहभागि भलिवलमा कक्षा १२ ब्यबस्थापनका छात्र र छात्रातर्फ बिएड चौथोबर्षको टीम प्रथम तथा कक्षा १२ छात्रको टीम दोश्रो तथा बिएड तेस्रो सेमेस्टरका छात्राको समुह उपबिजेता भएको छ । क्रिकेटमा बिबिएस दोश्रो बर्ष,स्नातक चौथो सेमेस्टर क्रमश बिजेता तथा उपबिजेता बनेको सहायक क्याम्पस प्रमुख कृष्णप्रसाद खनालले बताउनुभयो ।

क्रिकेटमा म्यान अफ दी म्याच दिपेन्द्र,बिस्ट बलरमा जनल झडीमगर भएको संयोजक प्रगतिरत्न गुमाउजूले बताउनुभयो । कुर्सी दौडमा उषा बलाल प्रथम,झरना धामि दोश्रो भएको तिर्थ काफ्ले बताउनुभयो ।

बास्केटबलमा बिएिस दोश्रो बर्ष प्रथम तथा कक्षा १२ दोश्रो भएको सबिन हमाललले बताउनुभयो ।क्याम्पसले चैत्र ६ गते बार्षिकोत्सव मूल समारोहको आयोजना गरेको सहायक क्याम्पस प्रमुख रामनाथ उपाध्यायले जानकारी दिनुभयो ।