बुटवल,फागुन १७ ।

नेपाल जेसिज र राष्ट्रिय युवा परिषदबिच युवा नेतृत्व विकास र नीति प्रवर्द्धनका साझा क्षेत्रमा काम गर्ने समझदारी भएको छ। 

चितवनको सौराहामा आयोजित जेसिजको २०२४ को नेसनल काउन्सिलर्स एकेडमीको उद्घाटन समारोहमा समझदारीपत्रमा हस्ताक्षर भएको हो ।

समझदारीपत्रमा राष्ट्रिय युवा परिषद्‌का कार्यकारी उपाध्यक्ष सुरेन्द्र बस्नेत र नेपाल जेसिजका अध्यक्ष रविन पोखरेलले हस्ताक्षर गरेका छन् । उपाध्यक्ष बस्नेतले युवाको क्षेत्रमा विगत ६ दशकदेखि निरन्तर क्रियाशील नेपाल जेसिजसँगको सहकार्यले युवा विकासमा सकारात्मक आयाम थपिने बताए।

नेपाल जेसिजका अध्यक्ष रविन पोखरेलले युवाको क्षेत्रमा कार्यरत आधिकारिक सरकारी निकायसँगको सहकार्यले नेपाल जेसिज उत्साही भएको बताए । पोखरेलले आफ्नो कार्यकालमा परिषद्सँग मिल्न सकिने विषयमा मिलेर काम गर्ने बताए ।समझदारी पत्रमा युवालाई नीति निर्माण तहदेखि कार्यान्वयन तहसम्म अधिकतम सहभागी गराउन, युवाको नेतृत्व तथा व्यक्तित्व विकासमा टेवा पुर्‍याउन र समयानुकूल युवा नीति निर्माण गर्न सहकार्य गरिने उल्लेख छ ।

कार्यक्रममा वागमती प्रदेश सामाजिक विकासमन्त्री कुमारी मोक्तानले युवाका क्षेत्रमा सरकारी तथा गैरसरकारी क्षेत्रले मिलेर काम गर्नुपर्ने बताइन् । मन्त्री मोक्तानले युवाका साझा समस्या समाधानका लागि साझा प्रयास आवश्यक भएको बताइन् ।समारोहमा चलचित्र नायक राजेश हमाल, वाग्मती प्रदेश युवा परिषद्‌का कार्यकारी उपाध्यक्ष सन्तोष चौलगाईं लगायतको उपस्थिति थियो ।

नागरिक अनलाइन

लेखकबाट थप

• बिहिवार, फाल्गुण १७ २०८००७:४६:४७

• Tags:

  # नेपाल जेसिज # राष्ट्रिय युवा परिषद् # समझदारी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा