सोमवार, माघ ८ २०८०

सगरहवाका मूर्तिकलामा शाक्य वंश नरसंहारको कथा (फोटोफिचर)

नागरिक अनलाइन

2.2K

सगरहवाका मूर्तिकलामा शाक्य वंश नरसंहारको कथा (फोटोफिचर)

बुटवल,माघ ८ ।

कपिलवस्तुको सरगहवामा राष्ट्रिय मूर्तिकला कार्यशालामा मूर्तिकारहरू काममा व्यस्त छन् । कार्यशालामा देशभरका १५ मूर्तिकार र १५ जना सहयोगीले पुस २३ गतेदेखि मूर्ति निर्माण गर्दै गरिरहेका छन् ।

कार्यशालामा शाक्य बुद्धको वंश नरसंहारको कथा मूर्तिमार्फत देखाइएको छ । जसका लागि ३० जना मूर्तिकार अन्तिमस्वरुप दिन कस्सिनु भएको छ ।लुम्बिनी विकास कोष, कपिलवस्तु नगरपालिका र स्थानीयको सहयोगमा शाक्यको सामूहिक वधस्थल सगरहवा (लम्बुसागर)को प्राचीन कथा कोर्न लागिएको हो । ईपू चौथो शताब्दीअघि भएको घटनालाई दर्शाउनेगरी मूर्ति निर्माण गरिएको लुम्बिनी विकास कोषका कोषाध्यक्ष सिद्धिचरण भट्टराईले बताउनुभयो । कार्यशालामा बुद्ध, शान्ति र युद्ध झल्काउन खोजिएको छ । मूर्ति निर्माणका लागि बाणगंगा नदी (प्राचीन भागीरथी) बाट एक वर्षअघि ढुङ्गा ल्याइएको थियो । kapilvastu murti karyasala (12).jpg

सगरहवामा कौशल नरेश विरूढकले ७७ हजार शाक्यहरूको सामूहिक नरसंहार गरेको बौद्ध साहित्यमा उल्लेख भएको बौद्ध दर्शनका विज्ञ पोमनारायण पौडेलले बताउनुभयो ।

बाबु प्रसेनजितलाई झुक्याएर राजा विरुद्धको विवाह भएको थियो । शाक्यहरूले शाक्यपुत्री भनी दासीपुत्रीसँग विवाह गराइदिएका थिए । दासीपुत्री भएको थाहा पाएपछि प्रतिशोधमा विरूढकले प्राचीन कपिलवस्तु राज्यका हजारौँ शाक्यहरूको सामूहिक वध गरेको बुद्ध दर्शनमा उल्लेख छ । kapilvastu murti karyasala (2).jpg

बुटवलका मूर्तिकार यमबहादुर थापाले शाक्यहरूको वध हुनु अगाडि गौतम बुद्धको ध्यान मुद्रा उहाँले मूर्ति मार्फत दर्साउन खोज्नु भएको छ । मूर्तिकारले विरुधक, क्रकुच्छन्द बुद्ध, कनकमुनि बुद्ध, सिद्धार्थ गौतम बुद्ध, शाक्य वंशको पतन झल्किने गरी मूर्ति निर्माण गरिएको छ । kapilvastu murti karyasala (8).jpg