बुटवल,माघ ७।

पाचौँ राष्ट्रपति रनिङशिल्ड प्रतियोगिता २०८० को उपाधि बुटवलको कालिका मानवज्ञान माबिले जितेको छ । देविनगरस्थित एन्फा एकेडेमीको खेलमैदानमा शनिबार भएको प्रतियोगितामा २५ स्वर्ण, ११ रजत र ३ कास्य पदक सहित कुल ३९ पदक सहित कालिका प्रथम भएको हो । उपाधिसंगै रनिङशिल्ड, नगद २५ हजार रुपैया हात पारेको छ ।

यसैगरि प्रतियोगितामा ७ स्वर्ण, ३ रजत र ६ कास्यसहित १६ पदक जित्दै न्यु होराईजन बोर्डिङ स्कुल दोस्रो हुदै नगद १७ हजार पाँच सय, कपबाट पुरस्कृत भयो ।प्रतियोगितामा ४ स्वर्ण, १ रजत र ५ कास्यसहित १० पदक जित्दै दीप बोर्डिङ स्कुल तेस्रो स्थान हासिल गर्दै नगद १० हजार रुपैयाँबाट पुरस्कार भएको छ । नबिन औद्योगिक माबि भने ३ स्वर्ण, ३ रजत र ५ कास्यसहित ११ पदक जित्दै चौथो भएको छ ।

प्रतियोगितामा फिल्ड हाइजम्प, लङजम्प, त्रिपलजम्प, ज्याभलिङ थ्रो, सटपुट, रिले दौड, भलिबल, कबड्डी, तेक्वान्दोलगायतका १७ विधाका ५४ खेलमा भएका थिए ।

एक समारोहका बिच बुटवल उपमहानगरपालिकाका नगर प्रमुख खेलराज पाण्डेय, उपप्रमुख सावित्रा अर्याल, प्रमुख प्रशासकिय अधिकृत मित्रमणी खनाल, नगर खेलकुद विकास समितिका संयोजक बोनिन पियाले विजेता टिम तथा उत्कृष्ट खेलाडीहरुलाई पुरस्कार वितरण गरेका थिए । नगरका ७२ विद्यालयमध्ये सामुदायिकतर्फ २१, संस्थागततर्फ २१ गरी ४२ वटा विद्यालयका ३ हजार ३५ विद्यार्थीले भाग लिएका थिए ।

बुटवल उपमहानगरपालिकाको आयोजनामा भएको रनिङशिल्डमा गतवर्ष समेत कालिमा विजेता भएको थियो ।

नागरिक अनलाइन

लेखकबाट थप

• आइतवार, माघ ७ २०८०११:२६:४०

• Tags:

  # राष्ट्रपति रनिङशिल्ड # कालिका मानवज्ञान

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा