बुटवल,पुस २८।

गुल्मीको रुरुक्षेत्र गाउँपालिकाले चालू आर्थिक वर्ष २०८०-०८१ को बजेटलाई संशोधन गरेको छ । यस आर्थिक वर्षमा ५३ करोड ५४ लाख ९७ हजार २३० रुपियाँ विनियोजित भएको बजेटलाई संशोधन गरेर गाउँसभाको १५ औं अधिवेशनबाट ५७ करोड ६२ लाख १७ हजार रुपियाँ कायम गरेको हो । 

चालू आर्थिक वर्षको नीति तथा कार्यक्रम र बजेट संशोधनका लागि गाउँपालिका उपाध्यक्ष मिनादेवी गौतमले गाउँसभामा पेश गर्नुभएसंगै संशोधित कार्यक्रम र बजेटमा छलफल भएको थियो । यससँगै चालू आर्थिक वर्ष २०८०-०८१ को कार्यक्रम र बजेट संशोधन भएको छ । गाउँपालिकाले आर्थिक वर्ष ०८०-०८१ को बजेट निर्माण गर्दा अनुमान गरेको अ.ल्या. रकममा वृद्धि भएको हुँदा बजेटको आकारमा पनि वृद्धि गरिएको प्रमुख प्रशासकीय अधिकृत लक्ष्मण पाण्डेले बताउनुभयो । 

गाउँसभाको १५ औं अधिवेशनबाट चार करोड ३१ लाख ४९ हजार ३०० रुपियाँ संशोधन गरिएको छ । जसमा चालूतर्फ एक करोड एक लाख रुपियाँ र पूँजीगततर्फ तीन करोड ३० लाख ४९ हजार ३०० रुपियाँ बजेट संशोधन गरिएको हो । विभिन्न ८६ कार्यक्रमको लागि संशोधित भएको बजेट विनियोजनसँगै दश कार्यक्रमहरु पनि संशोधन गरिएको उहाँले बताउनुभयो । 

त्यसअवसरमा गाउँपालिकाले स्वास्थ्य तथा सरसफाइ ऐन, २०७५ को पहिलो संशोधन गरेको छ भने खानेपानी तथा सरसफाइ र स्वच्छता सम्बन्धमा व्यवस्था गर्न बनेको विधेयक, २०८० लाई स्वीकृत गरेको छ । आर्थिक वर्ष २०७४÷०७५ देखि हालसम्म कायम भएको आठ करोड ४७ लाख रुपियाँ बराबरको गाउँपालिकाको बेरुजु सम्परीक्षणको लागि सभामा छलफल गरिएको थियो । सभामा कार्यपालिकाका यस आर्थिक वर्षका हालसम्मका बैठकका निर्णयहरु अनुमोदनसँगै सार्वजनिक सरोकारका विभिन्न निर्णयहरु गरिएको प्रमुख प्रशासकीय अधिकृत पाण्डेले बताउनुभयो । 

गाउँपालिकाबाट चालू आर्थिक वर्षमा हालसम्म सम्पादन भएका मुख्य उपलब्धिहरुको बारेमा गाउँपालिका अध्यक्ष यदु ज्ञवालीले सभामा जानकारी गराउनुभयो । विभिन्न समयमा नागरिकहरुले आफ्नो आवश्यकता अनुसार माग गर्नुभएका योजनाहरुलाई सम्बोधन गरि सबै वडामा समानुपातिक किसिमले कार्यक्रम तथा बजेट विनियोजन समेत गरिएको उहाँले बताउनुभयो ।

नागरिक अनलाइन

लेखकबाट थप

• शनिवार, पौष २८ २०८०११:२६:४०

• Tags:

  # रूरूक्षेत्र गांउपालिका # बजेट

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा